.png)
點解猶太人搵錢咁叻，佢地賺錢嘅秘密就收埋咗係呢度⋯⋯？
【點樣變到同猶太人一樣有錢？】上星期五篇文就講到，2023年五大對沖基金CEO/創辦人入面，有過半都係猶太裔/生於以色列家庭。猶太人好有錢，好識搵錢，似乎真係特別叻咁。但係究竟猶太人點解咁叻賺錢，唔通佢地真係有點石成金嘅能力？當時HKCareers💡輕輕提及《塔木德》呢本全球暢銷書，被譽為猶太人嘅致富聖經，本書封面更直接寫出世界級富豪摩根、羅斯柴爾德、哈默、索羅斯等每日都一定會讀一讀呢本經典（雖然唔係好知點解本書嘅編輯可以肯定佢地日日都必讀呢本書🤣）。講到咁勁，本書又有咩學習重點？今日HKCareers💡就想為你做個導讀，一齊睇吓點解
咁多人推介呢本書♥️
.
📔《塔木德》6個必看重點！點樣變到同猶太人一樣有錢？
《塔木德-猶太人的致富聖經》係一本探討猶太人財富觀念嘅書，同學首先要注意嘅係，呢本書講述嘅並唔係一啲幫助投資者理財嘅技巧，或會計知識同最新投資及市場走勢等，同學平時面試最常見嘅問題，而係【心態同觀念】！
.
相信有唔少同學聽到呢點，已經會擔心啲嘢會唔會好虛無，好似吹水咁（如果真係靠吹水吹到做暢銷書，咁都值得睇吓係點吹法🤣）？但係同學如果有睇開唔同教授個人成長同投資嘅書籍，都會發現去到最後，大家講嘅都係「心法」，就算人人都識嘅《富爸爸・窮爸爸》亦係一樣。我地面對金錢時嘅【心態同觀念】，可以改變我地搵錢嘅方法，而學習有錢人對錢嘅看法，亦可以幫助我地轉吓個腦，改變一啲可能係舊有，同時限制住我地進步嘅思想😝
.
以下，就係書中提到猶太人對金錢有正面嘅態度：
1️⃣猶太人富有嚟自於佢哋對投資理財同埋做生意嘅智慧
2️⃣猶太人認為金錢係現實生活嘅上帝
3️⃣猶太人為咗賺更多金錢，會努力提高自己嘅理財、生財、發財嘅本領
4️⃣金錢對猶太人嚟講，代表咗尊嚴同埋發言嘅權利
5️⃣猶太人認為錢嘅最純粹形式係「信用」
6️⃣猶太人嘅傳家習慣係，留俾子女嘅財產至少唔應該比自己接收到嘅財產少
.
📔《塔木德》導讀：
1️⃣《塔木德》最核心嘅一個思想，就係要用正面態度面對金錢，賺錢係一個美德！
同學仔都應該聽過「金錢係萬惡之源」，呢句說話令人覺得賺錢好似係有錯，甚至將「努力搵錢」同「市儈」劃上等號。不過書中就強調賺錢係美德，認為人係要識賺錢，所以先有「猶太人認為金錢係現實生活嘅上帝」呢句說話出現，就如俗語「有錢唔係萬能，無錢就萬萬不能」！
.
2️⃣做到財富傳承
同中國傳統思想唔同，你唔係要養先防老，而係要留更多錢俾子女，財富應該要傳承。喺華人社會，生兒育女嘅功能就係等年老時有人照顧，希望子女喺物質上或金錢上幫輕下。不過對猶太人而言，佢地會更想將呢一生所賺取嘅金錢留比下一代，並一代代傳落去，做到財富傳承。人一生賺到嘅錢係有限，但如果每代人都願意將金錢傳承，呢種無限累積嘅財富先至令成個家族真正富有起嚟！
.
3️⃣整本書嘅前後章節會包括對金錢不同嘅看法，需要你自己判斷
由於呢本書嘅內容並非作者一人之見，而係總合左猶太人唔同觀念同傳統思想，所以唔同章節嘅內容會有啲矛盾 ，例如有一篇文係強調賺到嘅錢係要洗，因為一日唔洗啲錢，啲錢都唔係屬於自己；另一篇又講賺到錢係要儲起。可以見到猶太人看待錢嘅態度都係正面，但理財之道，就有唔同方法，所以同學仔唔好麻木睇完本書就咁照版煮碗，要自行判斷邊種方法合適自新
.
同學可能都會有少少疑惑，點解HKCareers💡今日會突然走咗去出Post講好書分享😝？其實有好多投行，特別係前台需要對客嘅部門，都鍾意係面試問一條問題：「你最近有無讀啲咩書？可以介紹吓？」面試官咁問，當然係想睇吓你有無Keep住增值同自學嘅能力及習慣，同時亦想透過你嘅閱讀習慣，去了解你嘅思考模式及性格，所有話無論去到咩時代，閱讀依然好重要。當AI可以幫助我地處理咁多事情時，我地就更加要好好訓練自己個腦，咁先唔會被科技淘汰！
.
#HKCareers 💡都考慮緊以後定期出文做吓好書導讀📔，唔知同學又想唔想睇呢？想就記得俾個♥️同Follow @hkcareers ，咁小編就會Keep住去寫啦😉
Comments