top of page

投資市場最新消息：ESG Non-BBA 同學完全無可能入投行？ 可以點由ESG起步？


【ESG——BBA同Non-BBA同學都機不可失？】不時都會有同學問HKCareers，投行係咪只有讀三大神科，或最少BBA嘅同學先入到？如果我嘅Major係Non-BBA，又要點樣鋪路入投行前台？今日HKCareers就想為同學介紹一個最新嘅投資領域，係BBA及Non-BBA 同學一樣可以去競爭！講緊就係大熱ESG 🌱！想係一篇文睇明📍ESG 是甚麼？📍點解近年ESG係投資銀行界咁重要？📍ESG係銀行界及Consulting嘅發展潛力？📍點解Non-BBA同學一樣可以由ESG入手，殺入投行？快啲Save低個Post睇落去！😆

.

📍ESG是甚麼？

▶️ESG大概喺五年前興起。以前嘅慈善機構欠缺透明度，導致好多捐款使用未如理想🤭。 亦都因為種種原因，機構難以解決飢荒等嘅重大人道議題。為咗提升慈善事業嘅效率同影響力，就好好多人將公益事業商業化，衍生出ESG呢個概念

.

同學平時做project可能都睇開唔少Annual Reports，應該不難發現入面有不少篇幅係講緊ESG💁🏻‍♀️。ESG全寫係Environment，Social，Governance。E係評估公司有無著手解決氣候、環境污染議題。S主要就審視一間公司喺勞工權益，僱員多元性，產品責任，資訊安全嘅表現。而G關注嘅就係公司嘅管治方式，例如董事會嘅素質高低，內部有無貪污及賄賂等問題

.

總括黎講，ESG係用嚟審視一間公司喺民生議題有冇作出貢獻，以及佢嘅業務是否具可持續性。相信同學都有聽過企業社會責任(CSR)，所指係公司除咗賺錢之外，都要為社會福祉出一分力🤓。ESG可以話係CSR嘅KPI， 係一套準制。為咗切合HKEX嘅要求，Big4宜家除咗做傳統嘅財務審計報告外，亦開始做ESG reporting。係舊年11月，恒指公司都推出左3項新指數：恒指ESG篩選指數、低碳指數及可持續發展指數，可見ESG依家備受重視

.

📍點解近年ESG係投資銀行界咁重要？

▶️原因一：ESG Financing具發展潛力

COP26過後，唔少國家紛紛投入環境保護事業♻️。但以前同環保有關嘅投資，回報率通常不高，所以吸引唔到投資者。 亦都因為咁，綠色金融開始興起；為環保，能源公司提供左資金來源。綠色信貸、股票、債券呢啲投資產品就為環保產業融資，例如一間公司想投資水力發電，就可以透過呢啲渠道集資

.

除咗同環境有關嘅綠色金融之外，同社會方面有關嘅融資係近年都非常盛行。社會企業係獲得資金之後，可以自行運作，自負盈虧， 咁就唔再需要單靠捐款先可以運作，逐漸形成社企生態圈，幫到更加多有需要嘅人！

.

▶️原因二：COVID的蝴蝶效應

同學可能會覺得疫情同ESG冇咩關係，事實係正正相反。唔少生物科技公司研發左疫苗後，成為呢場世紀大災難嘅大贏家🏆。就好似莫德納，佢上年嘅股價有成220%嘅升幅，舊年7月仲被納入S&P 500。瑞士嘅生物科技大廠：Lonza，都因為幫助生產莫德納疫苗，係呢兩年嘅股價升幅高達125%，齊齊跑贏大市。BNT當然都不例外，舊年股價累計上漲200%

.

唔單係個別藥廠被睇好，基本上成個醫療保健產業都非常好景。MSCI全球醫療保健指數 (MSAWHC)同NASDAQ生技類指數(NBI)都係疫情後達到歷史高峰📈。Merrill Lynch喺舊年九月進行咗全球經理人調查，asset mngr大量增持醫療保健股，比重增加到35%，創下歷史新高。可見連資深投資人都非常睇好呢行嘅發展

.

📍ESG發展潛力 —— 銀行界

▶️當初係HSBC率先提供ESG產品，不過依家好多銀行都有專人負責ESG🌿。 Crédit Agricole、Soc Gen及HSBC都有專為ESG設立獨立團隊， 相信未來更加多銀行都會跟隨佢哋嘅步伐。現時CA同BNP嘅ESG Team都有一年嘅program， 相信將來都會有更多openings

.

📍ESG發展潛力 —— 咨詢Consulting

▶️MBB固然有ESG Team， 不過依家連Big 4都越嚟越重視ESG， 設有ESG advisory，俾左更多報工選擇同學

.

📍點解Non-BBA同學一樣可以由ESG入手，殺入投行？

▶️ESG唔多唔少都係common sense，BBA嘅同學一樣要由零開始學起，所以Non-BBA嘅同學就唔會好似報其他商科工時，經常有輸在起跑線嘅感覺。文科社科嘅同學，特別係讀過公共政策及環境保護相關科目嘅同學，喺面試嘅時候反而會更得心應手！

.

Non-BBA同學睇完篇文係咪信心大增呢? 覺得有用就記得快啲俾個♥️同Follow #HKCareers ，✅掌握大學生必知嘅Intern／Grad Job求職資訊，✅學習令你畢生受用嘅搵工貼士啦💡！




Comments

Categories
Recent Posts
bottom of page