top of page

投行面試拋書包必識嘅12個經濟指數！


【呢個世界唔係只得恒生指數嘅！】唔知同學有冇試過呢個經驗：係Superday / Group In時，Interviewer就問你哋點睇而家個Market / 經濟前景，咁你哋就逐個去答啦，然後總會有一個同學，講嘢特別Charm，明明market嘅狀況你都知，但就無辦法好似佢咁吹得，拋曬書包，講到頭頭是道咁。嗰刻你已經知道，間公司請嘅，一定唔會係你😢痛定思痛，人哋拋書包咁叻，你其實一樣可以做到。其中一個方法，就係面試前熟讀今日HKCareers💡介紹嘅呢12個 Economic Indicators！咁無論你係去In投行前台IBD、S&T、PB、AM，當Interviewers問你任何Industry/Market Qs，你都可以成為全場最吹得嘅Candidate，Offer自然手到拿來啦！仲唔快啲Save低今日個post，將呢12個經濟指數塞咗落書包先？

.

💡點解你要背熟呢啲Economic Indicators？

不論同學你係想入投行邊個Front Office Roles，都一定要識呢啲經濟指數！當考官問你點樣睇個市場/有咩展望時，都可以用指數作為助證。令考官知道你有幾Charm！例如講investment product時，可以用指數講述外匯市場或Commodity pricing嘅趨勢；又例如去見IBD/Corp Bank工時，可以利用指數去做助證，回答你對IPO market、或市場經濟表現對借貸風險之影響嘅見解。因此呢12個經濟指數塞咗落書包先，去到面試時真係會極好用！

.

💡投行面試拋書包必識嘅12個經濟指數！

1️⃣國內生產總值（Gross Domestic Product, GDP）

係判斷經濟健康與否嘅主要指標！用嚟衡量一個經濟體系於特定時期內生產財貨及服務嘅總值

.

2️⃣消費者物價指數（Consumer Price Index, CPI）

係衡量通脹嘅主要指標，顯示消費者所購買商品及服務嘅價格變化

.

3️⃣生產者物價指數（Producer Price Index, PPI）

係未來消費者通脹嘅信號🚨用嚟衡量國內生產者所出售嘅產出物品銷售價格隨時間嘅平均變化

.

4️⃣失業率（Unemployment Rate）

反映就業市場嘅健康狀況，顯示失業並積極搵工嘅勞動力人口所佔嘅百分比

.

5️⃣非農就業人口數（Non-Farm Payrolls, NFP）

就業增長嘅關鍵指標，指一個月內經濟體新增或流失嘅工作崗位數量，不過就唔包括農業工作

.

6️⃣聯邦基金利率（Federal Funds Rate）

銀行機構之間隔夜交易聯邦基金嘅利率，由美聯儲決定。呢個聯邦基金利率係會影響其他所有利率！

.

7️⃣收益率曲線（Yield Curve）

可以話係經濟預測及投資者信心嘅指標！以信用質量相同但到期日唔同嘅債券利率作為基準所繪製嘅曲線圖

.

8️⃣貿易收支（Balance of Trade）

用嚟衡量一個國家相對經濟實力嘅指標，指一個國家進出口嘅差額，會影響貨幣價值

.

9️⃣利率決策（Interest Rate Decisions）

中央銀行對利率嘅決策可能會即刻影響金融市場，而美聯儲、歐洲央行、英格蘭銀行等嘅政策公佈都有機會引起貨幣、股票及債券市場嘅波動

.

🔟消費者信心指數（Consumer Confidence Index, CCI）

衡量消費者對預期嘅財務狀況樂觀定悲觀。高信心水平代表消費者可能會有消費，咁就可以刺激經濟增長，對唔同市場產生各種影響

.

1️⃣1️⃣採購經理人指數（Purchasing Managers' Index, PMI）

係製造業及服務業經濟健康嘅領先指標。PMI超過50代表擴張，低於50就代表萎縮。PMI有機會令股票及債券市場動搖，而影響貨幣價值

.

1️⃣2️⃣大宗商品價格（Commodity Prices）

好似石油、黃金或農產品呢類大宗商品，佢地嘅價格係足以影響貨幣價值！如果經濟體係以大宗商品為主導，影響就特別大，仲會影響相關行業公司嘅股價！

.

當然啦，HKCareers會盡量介紹多幾個重要嘅經濟指數俾你。但同學絕對唔需要嚇親，亦都唔一定要背曬呢12個經濟指數先去面試，不妨睇清楚佢哋嘅作用，再揀選其中幾個袋定落書包先去面試！

.

最後，睇完個Post當然要記得Follow❣️ @HKCareers，等我地繼續為你提供✅大學生必知嘅Intern／Grad Job求職資訊，✅及搵工面試最實用嘅貼士！💡

.


Comments

Categories
Recent Posts
bottom of page