投行術語：「一月效應」殺到！一月股市有較大機會贏錢仲係咪定律？

【IBankCoaching同你用數字說話】係投行術語入面有個講法叫做「一月效應」，意思係話，係一月期間股市有較大機會贏錢。但同學如果係想殺入投行，當然唔可以讀死書，最重要係識得判斷同應用呢啲理論，睇吓點樣幫到你間行同客戶去賺錢。今日IBankCoaching就想同你用數字說話，去睇吓「一月效應」係投資之上仲係咪可靠嘅，你都想知一月股市賺最多錢仲係咪定律？我哋一齊睇落去！

.

【咩係一月效應？】

一月效應係指每年嘅一月份股市嘅表現通常都有較大嘅上升趨勢。喺呢個現象底下，好多投資者都會選擇喺新年嘅時候投入資金落股市，從而推動股市嘅上升。一月效應最初係喺美國股市發現嘅，但之後亦有喺其他國家嘅股市中被證實。

.

【點解會有一月效應嘅出現？】

最普遍嘅解釋就係稅務管理。呢個理論話投資者會喺年尾之前賣出蝕錢嘅股票，來抵銷其他地方嘅收益，從而減少資本利得稅嘅負擔。然後喺一月份再買返呢啲股票，引起一波買盤壓力。

.

另一個普遍嘅解釋係「裝潢櫥窗」(Window dressing)。意思係指，隨住年尾嚟，專業基金經理更加有可能調整佢地嘅投資組合，從而擺脫會令佢地向客戶報告嘅時候顯得無咁好嘅股票（即係賣出虧損嘅股票或者風險較高嘅投資），然後換成更好嘅股票。呢啲行為會喺12月底對股價造成壓力，一旦壓力減輕，一月份就會出現某種程度嘅反彈。不過，呢個講法喺現實上唔太可能發生，因為呢種交易主要影響大型股，而當發現效應嘅時候，對小型股嘅影響更加大！

.

除咗稅務損失回收同埋新年過後嘅回購，仲有一個解釋係同投資者心理有關。有啲投資者會覺得一月係開始投資計劃最好嘅月份，或者好多人都係抱住新年新開始嘅心態決定開始投資。

.

【呢個效應依家仲有無用？】

從2009年嘅市場反彈開始到2023年嘅一月，一共有八個月份係賺錢，同樣有七個月份係蝕錢，佔咗50%。考慮到2009年以來嘅強勁反彈，同學可能會期望更多一月份贏錢嘅情況，但事實並唔係咁樣。

其實一年嘅第一個月份唔係特別出色嘅交易月份，只可以話係一般般。根據 Nasdaq 嘅Data，喺過去20年裏面，佢係有正面嘅回報，但喺12個月份之中只係排名第八。

.

講咗咁耐，其實而家一月效應未必有效嘅，但都係比同學嘅一個reference啦😉。如果想我哋寫更多technical嘅文章✅，就記得follow @IBankCoaching啦！

.

#achievewithus #ibankcoaching #YourCareerSolutions #dse2022 #dse2023 #dse2024 #hku #cuhk #hkust #cityu #january #effect #investment #banking