top of page

投行S&T Coaches話你知：6個殺入投行Global Markets S&T必睇最新趨勢！


S&T係其中一個非常受大學生歡迎嘅投行前台部門，如果你都想殺入Global Markets做Sales或Trader，除咗準備不同Tech Knowledge外🤔，無理由唔睇清楚S&T呢個行業究竟發生緊咩變化！而有咩方法比聽行內人講解更準確同清晰？今次HKCareers就邀請左S&T Coaches Jack同Max同你分享下S&T行業6大發展重點！想知:

✅今年香港S&T有咩重要事件？

✅邊個Desk表現最好？

✅人才流失嚴唔嚴重？

✅Sales 同Traders有咩最新出路？

✅Global Markets未來發展方向？

唔使小編再提醒，你都一定知道今篇文非常重要，一定要Save低再睇落去！

.

1️⃣不同美資及歐資投行/銀行嘅S&T，特別係Junior Level，都有一個好Decent嘅人工加幅

因為唔同嘅外在環境因素影響，好多香港嘅人才可能想轉去其他城市工作，例如倫敦🇬🇧、新加坡🇸🇬、紐約🇺🇸等。所以唔同投行/銀行都想透過人工嘅升幅去留住人才。雖然好多行內人普遍認為S&T係一個近乎飽和嘅市場，但相信尼緊一兩年都好難會有大幅度裁員。但如果你想比普遍大學生擁有較高入息💰，S&T依然係其中一個非常唔錯嘅工作選擇

.

2️⃣唔只人才流失，外資流失亦係另一個問題

有啲desk，例如Macro desk、FX desk等部門唔需要固定係一個地方。由於香港嘅防疫政策非常之嚴謹，加上香港作為亞洲國際金融中心嘅地位亦都岌岌可危，有唔少大行都嘗試將呢啲desk轉移去其他城市，尤其是係新加坡

.

3️⃣客戶嘅Flow及行業發展受大環境限制，市場仍然傾向係比較脆弱

由於今年嘅經濟環境唔係太好，例如之前💡HKCareers提及過嘅俄烏戰爭對​​環球金融市場帶黎嘅負面影響，地緣政治風險上升亦都導致唔同大企業今年嘅表現未如理想😢。除此之外，仲有加息預期、Equity Market欠佳嘅表現😔，以上種種嘅原因都導致S&T入面客戶或大型企業嘅Flow明顯下降，剩下比較多嘅係Hedge Fund嘅Flow、炒盤等（亦即係話少左好多實際嘅Corporate Hedging）而上年都發生咗唔少Hedge Fund Liquidation（清盤）嘅事件，所以市場仍然傾向係比較脆弱

.

4️⃣各個Desk或Products表現

FX同Rates一直以黎嘅表現都係比較穩定，但相反，Credits（特別係Asia Credit Desk）上年受到嘅沖擊都比較大📉，中國Credit Market表現亦都未如理想。另外同學可以留意下，香港嘅S&T亦非常受中國Market影響，例如Bonds做好多內地嘅Bonds，FX都係做人民幣多

.

5️⃣科技同S&T發展嘅關係

雖然依家科技發展非常之快🖥，但其實「電子化」不嬲都存在，所以唔太擔心Traders會好快被電腦取代🤖️，Human Trader仍然有存在需要，科技/電腦系統只係令你可以更加有效率咁去完成自己嘅工作/任務👍，最終都係需要一個「人」去決定點樣做Hedging、點樣開價等

.

6️⃣ Sales 同Traders有咩最新出路？

上面都講過雖然S&T好難有大規模嘅裁員，但同時呢個部門亦都漸趨穩定/飽和。近年亦多咗Sales同Traders可以轉投Crypto/ FinTech等嘅行業！唔只係Trader，甚至有唔少Sales都轉左去Crypto Start Up工作：Sales嘅主要出路除咗做返Sales外，亦可以做Business Development相關工作；Trader除咗繼續做Trading外，亦可以做同Quants相關嘅工作

.

好多謝S&T Coaches Jack同Max嘅分享！希望同學透過今篇文，都可以知道Global Markets未來發展方向！同最重要嘅，對你進入投行呢個前台部門嘅影響！

.

呢點亦正正係HKCareers 點解要一直擴展我地嘅Coaching Team，直到今日共有超過3️⃣0️⃣位IB Coaches及7️⃣0️⃣位其他銀行及行業Coaches嘅原因！無論同學想同時報幾多個行業或部門，HKCareers都可以提供最新同最完整嘅Coaching Support俾你，絕對唔會錯失每個良機！

.

想知道更多Coaches嘅行業同Coaching經驗？想知道HKCareers Coaching Program點樣幫到過1500位同學拎到心儀Offer，之後又可以點樣幫到你？咁就要即刻報名參加Program Demo啦😉到時見！

.



Comments

Categories
Recent Posts
bottom of page