大學生報投行前台必看：俄烏戰事對環球金融市場的5個影響！

【俄烏戰事🇷🇺🇺🇦點樣影響你報投行前台？】俄烏每日都有好多消息，雖然戰事好似同我地有一段距離，但相信同學亦同我地一樣，無辦法唔睇實啲新聞，好希望戰事可以盡快平息，唔好有咁多傷亡😞而除左對烏克蘭民眾嘅關心外，同學亦要留意，原來俄烏戰事對全球金融市場都有好大影響，甚至連近期投行面試都已經問緊相關題目！今日HKCareers💡就想為你分析下1️⃣俄烏戰事關投行邊啲部門事？2️⃣面試會點樣問相關問題？3️⃣俄烏戰事對環球金融市場嘅5個影響！無論你係準備報投行前台，定係想更了解俄烏戰事影響，都記得Save低今日篇文啦！

.

🔥俄烏戰事關投行/銀行前台咩事？

✅S&T：一定要了解最新嘅環球消息，留意財經市場有咩政策/情況變化先可以做到trading及pitching！

✅AM及PB：環球市況及各種Asset Class都會受到戰事影響！Asset Manager及Private Banker要緊貼情況，為客戶做資產/財富管理或更改投資策略！

✅IBD: 俄烏戰況會直接影響M&A Deals或IPO opportunities

✅Corp Bank: 由於企業銀行主要服務國際大公司客，包括借Loan俾佢地，呢啲大客亦有機會係俄烏等地有業務，戰事發展會影響佢地嘅Risk Exposure，令銀行承擔更大風險！

.

🔥面試會點樣問相關問題？

近期有唔少投行面試都開始問緊相關嘅題目，如Barclays Markets問左：

📍你對俄烏戰爭嘅睇法

📍由於俄國接管左烏克蘭嘅核電廠，呢件事點樣影響烏克蘭、美國同埋日本嘅貨幣？

📍你認為呢場戰爭會唔會影響美國嘅通脹？

.

🔥俄烏戰事對環球金融市場嘅5個影響：

1️⃣阻礙國際物流📦

由於俄羅斯係資源大國，部分稀有物資可能出現緊缺嘅情況，不利於生產。而戰事阻礙交通，國際物流亦會被影響✈️，對經濟帶黎沉重嘅打擊📉。受到直接影響嘅行業包括能源、物流、運輸同股票市場等

.

2️⃣能源價格不斷攀升📈

歐洲嘅天然氣同埋石油進口非常依賴俄國，而俄國佔左全球天然氣產量嘅17%同埋石油嘅12%，所以今次嘅戰爭導致全球油價飆升🛢️！🇺🇸美國政府早前就宣布左禁止所有俄國石油、天然氣同埋能源嘅進口。石油公司殼牌同埋埃克森美孚亦都宣佈會從俄國撤走

.

但係歐盟目前尚未實施同能源相關嘅制裁，因為俄羅斯提供歐盟大約45%嘅天然氣進口量，而一旦斷了俄國呢條供應鏈，歐盟可能面臨缺油缺電等情況，工廠無法運轉，公眾輿論可能會發生轉變。🇪🇺但歐盟亦指出，如果莫斯科發動更加猛烈的襲擊的話，有可能會實施能源禁運令。而呢個消息再度引發原油價格攀升，截止目前，美國原油期貨價格已經升到每桶110美金💰

.

3️⃣對已經非常嚴峻嘅通膨火上澆油

因為俄烏戰爭存在非常多嘅不穩定性，所以亦會令通脹壓力急劇增加😰戰爭已經推高左原油、小麥等商品嘅價格。由於烏克蘭同俄羅斯都係小麥主要生產國，全球食品價格將會嚴重地被影響，對部分脆弱嘅新興市場國家將會有負面嘅影響。而通脹預計將會係兩三個月內達到兩位數😱，2月生產者物價指數PPI本身年增率已經升到30%❗通膨壓力必然對金融市場帶黎沉重嘅壓力。咁可能甚至會迫使各國嘅央行緊急加息，並停止所有債券購買計劃⛔。導致金融市場嘅不確定性同埋波動性大幅增加

.

4️⃣增加對避險資產嘅需求

✨黃金一路以黎都同地緣政治風險有相當密切嘅關係！隨著俄烏戰爭嘅發生，黃金係避險買盤已經逼近每盎司2,000美元嘅歷史新高。有策略師認為，更高嘅波動性同埋地緣政治風險會引發對避險資產嘅更大需求，從而令黃金受益👍🏼

.

5️⃣體現出比特幣嘅亂世價值

經過十幾年嘅發展，比特幣等嘅加密貨幣已成為具有全球認受性的資產🌍。係美國開始制裁俄羅斯銀行之後，盧布兌換比特幣嘅交易量大幅上升，擁有超過1000個比特幣嘅錢包數量亦都大增。可見標榜去中心化嘅加密貨幣係社會動盪時期比起法定貨幣突顯到更大嘅價值，驗證左加密貨幣係戰亂時嘅性命財產避險功能，可以對冲金融市場的風險

.

除左以上俄烏戰爭對金融市場嘅影響之外，同學平時都要多啲留意世界大事同金融消息！唔單只會對報工面試有好大幫助👨🏼‍💻，留心時事亦能夠豐富自己嘅知識閱歷🌐，令自己能夠全面咁看待唔同嘅社會問題。世界再壞，我地都要保持清晰嘅頭腦，做個更好嘅人！驚自己消化唔切咁多資訊？記得Save低篇文！

——

🔥3-4月大學生必參加活動：

1️⃣IT Webinar：Learn Programming Fundamentals for Finance/ Business roles

🔔3月29日; 8:30PM

https://bit.ly/ibwebinar20220401

.

2️⃣IB Webinar: IB Summer Analyst 2022/23: The Application Strategy You Must Know To Secure Your Offer in iBanking

🔔4月1日; 8PM https://bit.ly/IBCWebinar20220409

.

即刻㩒Bio連結免費報名！