大學生報Property MT及Internship必讀！一篇文比較曬7個地產發展商APPS！

【你知唔知我地商場個App叫咩名？】零售租務係地產發展商MT及Intern其中一條請得比較多人嘅Team。同學報零售租務，除咗要去不同發展商旗下嘅商場行個圈，研究同比較下不同商場外，其實地產發展商都有推出應用程式！係面試時好經常問相關問題！今日HKCareers就為你整理同比較左7️⃣個地產發展商APP！想成為MT嘅你又點可以唔Save低個Post再睇落去😉？

.

⭕️一齊比較吓7️⃣個地產發展商APPS！

1️⃣新鴻基地產嘅The Point

▶️將所有SHK旗下嘅商場整合埋一齊，如MOKO、APM等

💰依家只要登記成為會員就送500分，而呢啲分可以兌換成Point Dollar當錢用。你係生日月消費亦會有兩倍積分架

▶️2022年，如果消費滿6千就可以換一張$50嘅優惠卷

❗但網上嘅用家評價就比較差，好多人話個app需要好耐嘅載入時間

.

2️⃣新世界嘅Artisanal Living

▶️提供左唔同商場/酒店嘅優惠，包括K11購物藝術館、香港會展商場等

❗佢分左三種唔同嘅會籍: CIRCLE, VIVA, DIAMOND

▶️用家可以預訂自己住個棟物業嘅設施，甚至可以用係商場消費賺到嘅K Dollar黎交管理費添

💰DIAMOND會員可以係生日月份登入網上帳戶揀自己想要嘅生日禮遇

▶️順帶一提，新巴城巴app都係佢哋架！個app可以睇到預計到站時間同埋巴士路線詳情，相信大家都唔陌生

.

3️⃣恒隆地產嘅Hang Lung Malls App

▶️會為你帶黎佢哋旗下商場，例如雅蘭中心、康怡廣場等嘅第一手資訊同埋優惠，只要上傳消費單據就可以賺取積分同埋換領獎賞啦

❗佢亦都分左唔同嘅會籍等級，例如琥珀/紅寶會員，而所享有嘅優惠都會根據會員等級而唔同

💰呢家恆隆商場仲出左一個獎賞計畫，叫做「hello」，可以發掘限時優惠活動，同埋參加限時任務獲得額外積分啊

▶️網上用家評價比起其他幾間地產商嘅app更好，好多用戶都話個app好User Friendly!

.

4️⃣南豐集團旗下嘅5款APPS

▶️同其他嘅地產發展商唔同，南豐唔似新鴻基同埋新世界擁有咁多商場，反而比較注重係物業嘅發展，所以佢哋嘅手機app都係主要都係圍繞住物業同埋住宅🏠

主要就分左兩大類: e-tools同埋會所設施預訂應用程式

✅LP6 e-tools/香島 e-tools/豐連Ori e-tools

✅The Visionary 昇薈/Tseung Kwan O (TKO) Plaza Clubhouse Booking

▶️e-tools可以令南豐物業嘅買家提交跟進緊嘅項目, download返份跟進報告✍🏼，直接同客戶服務團隊進行單位移交嘅過程，影低一啲你發現到嘅問題📷，例如牆身有裂紋，為買家帶黎全身嘅數碼體驗

▶️至於將軍澳廣場同埋昇薈APP就可以提供會所設施嘅預訂服務

.

5️⃣領展嘅Park And Dine「泊食易」

🏆佢哋嘅app係2016年獲得亞太區通訊大獎嘅「手機通訊及社交網絡應用程式」獎，撃敗左亞洲同埋本港眾多跨國集團對手，包括微軟、匯豐銀行同埋渣打

▶️眾所周知，領展基本上差唔多包辦曬全香港嘅屋邨商場，所以佢一個APP就包含左全香港好多唔同商場嘅資訊

▶️一站式畀你170個領展停車場嘅實時停車資訊，例如實時剩餘停車位、亦會提供最鄰近停車場嘅資訊、點樣去最近嘅停車場

❗亦有E-parking服務，可以透過掃描二維碼出入停車場，亦有數碼支付方法，非常之方便！

▶️亦會提供超過1500間餐廳嘅建議，可以電子儲分，換領電子優惠卷，仲可以係網上排隊啊

.

6️⃣港鐵MTR嘅MTR Mobile🚇

▶️提供全面嘅交通資訊，例如行程指南、預計候車時間、交通消息、快捷出站等，令你可以更加輕鬆計劃用港鐵嘅行程

▶️坐擁香港所有港鐵商場，例如ELEMENTS、POPCORN🍿️及青衣城等，用佢個APP就可以更方便睇到佢哋所有商場嘅美食/購物指南、泊車資訊。仲可以根據你嘅喜好😍，提供個人化嘅優惠信息比你

💰係港鐵商場嘅指定商戶入面消費滿$200就可以賺取「MTR分」，而呢啲分就可以換取免費車程或者其他豐富禮遇架！

❗比較特別嘅係佢哋仲有一個客服機械人，就係「Chatbot 互動查詢」嘅Macy啦！你可以詢問唔同關於MTR嘅資料！

.

7️⃣信和集團嘅Sino Club

▶️雖然信和集團旗下都有商場，例如奧海城、藍灣廣場等，但亦都擁有好多酒店🏨，個app會提供多項佢哋旗下商場/酒店嘅優惠

▶️定期舉辦會員限定活動，隨時收到app通知嘅邀請

▶️會為會員送上多重生日驚喜禮遇，可以係旗下酒店特選餐廳享受買一送一優惠同埋免費生日蛋糕，每位賓客仲可以獲贈餐酒一杯；尊尚會員仲可以得到一張電子優惠券，額外換領精美糕點兩件

.

希望同學睇完個Post都對各大地產發展商嘅應用程式有更多了解。最後當然要Follow #HKCareers ，✅掌握大學生必知嘅Intern／Grad Job求職資訊，✅學習令你畢生受用嘅搵工貼士啦💡！

.

#achievewithus #Internship #mt #gradjob #hku #cuhk #hkust #cityu #hkbu #polyu #dse2021 #dse2022 #dse2023