大學生入投行前台必知：4個入投行前台必備的性格特質！

【性格特質可以決定你拎唔拎到Offer？】近年因為多左投行係線上做面試，同學都多左做Group Interview嘅經驗，係呢啲時候，你就可以觀察到其他對手同自己嘅水平大概係邊。但你有無試過，明明自己嘅Tech knowledge或Market Sense比其他Candidate好，但係對方竟然比你更早拎到靚Offer？🧐諗極都唔明點解？其實好有可能，就係因為其他Candidate係面試期間，展現咗前台所需嘅性格特質，令面試官覺得佢更適合😍！想知大學生入投行前台各部門，需要展現咩性格特質，令你更易被Shortlisted？咁就一定要Save低個Post再睇落去啦！

.

📍點解知道投行前台需要咩「性格特質」咁重要？

1️⃣Video Interview及性格測試會著重去測試你嘅性格：

同學都知Personality test其實係無標準答案，所以每一個人做嘅時候都係公平嘅，真係睇你性格傾向啱唔啱～但如果你提早知道投行前台要求具備咩性格特質嘅人，然後再對症下藥去答唔同嘅題目，將自己塑造成一個佢理想嘅candidate，你就特別容易過到關啦👍🏼！

.

2️⃣等你知道點答不同Behavioural Qs或包裝自己嘅故仔：

其實IB嘅面試，除左大量嘅tech Qs之外⚙️，一定都會有好多唔同嘅behavioural Qs，睇下你係唔同嘅情況底下會做出咩選擇，從而判斷你呢個人係咪適合間公司/部門

.

3️⃣某啲面試更會直接問相關問題：

「What are the most important attributes of our division？」

「Why do you think you are suitable to work in our team?」

.

4️⃣等你判斷自己係咪真係適合加入不同投行前台：知道Front Office需要咩人才，你就可以考慮一下自己性格係咪適合，會唔會做得開心！

.

📍大學生入IB Front Office必備的4個性格特質！

1️⃣溝通能力：

對所有front office嘅職位黎講，最重要嘅一定係溝通能力🗣️！因為前台工作有一半或以上嘅時間都係要同client去溝通，而剩低嘅時間就要同公司其他部門嘅同事去進行internal communication。所以無論係S&T, PB, AM，當同學面對不同客戶嘅嘅時候，你就需要具備良好嘅社交技巧🤝，同佢地建立良好嘅關係，為你達到公司設下嘅KPI/銷售目標。所以如果你係面試，回答面試官問題嘅時候，未能展現特別出眾嘅表達能力，面試官就可能會覺得你唔係咁適合係前台工作啦！（小編亦都提下你：同學應該要諗真啲自己係咪一個好外向嘅人🤔，可以接受到每日一半以上嘅時間都同其他人講緊野？如果唔係，到時候返工真係會好辛苦架！）

.

2️⃣分析技巧：

除左溝通之外，大部分前台嘅工作內容亦都具備分析性質✍🏼，例如Financial Markets/ Company-Specific Analysis等。因為咁，分析能力會係IB好睇重嘅特質，同學起碼要清楚曬所有微觀經濟到宏觀經濟嘅因素。而呢樣嘢亦都解釋到點解IB咁多面試嘅環節都特別複雜同埋好有難度，難住唔少同學，例如要做logical或numerical嘅apt-test🔢、去到assessment centre要做商業個案分析、panel interview嘅時候亦會問好多tech嘅問題、brain-teaser等🧠，其實佢哋就係測試緊你嘅拆題同埋分析能力！

.

3️⃣自習能力：

因為Financial Markets嘅轉變非常之快，個市場不斷有新嘅知識需要吸收，你一定要不斷學習先能夠跟得上依個瞬息萬變嘅市場📚。加上IB起薪就俾緊40k-70k💰，佢哋請你返黎就Expect你可以即刻開始工作，可以即刻contribute到，而唔係慢慢先開始學野。所以同學係IB入面嘅學習曲線非常陡峭📈，好快真係要ready去為公司貢獻。你做tasks嘅時候亦唔會有人手把手去教你，因為大家都期望一個入左投行前台嘅同學係好smart，能夠自行學習返相關嘅知識/技巧🔍

.

4️⃣注重細節：

最後，由於投行前台每日需要應對好多數字/報表，所以好需要同學注重細節，甚至可以話唔可以犯錯！因為投行牽涉嘅銀碼好大，如果一旦你唔小心出錯，其實影響十分之大😱！

.

HKCareers💡當然希望同學可以早日攞到心儀嘅IB offer，但返工始終係長時間投入，除左人工外，我地亦建議同學認真考慮自己嘅「性格特質」係咪真係適合投行不同部門，要真心鍾意，先可以捱到巨大嘅工作壓力同工時☺️！

.

最後，睇完個Post當然要即刻Follow #HKCareers

✅掌握大學生必知嘅Intern／Grad Job求職資訊

✅及搵工面試最實用嘅貼士！💡

.

#achievewithus #Internship #managementtrainee #gradjob #hku #cuhk #hkust #cityu #hkbu #polyu #hkhsu #dse2021 #dse2022 #dse2023 #hongkong