.png)
報工前必做嘅心理測驗：MBTI！你喺咪天生嘅iBanker / Banker?
【大學生必做：睇吓你最適合邊個行業！】同學報工第一關做嘅Apt Test，好多時候都會包括埋Personality Test / Game-based Assesment，等公司可以測試吓你嘅性格傾向，預估吓你喺咪適合公司文化或不同職位。但同學去做呢類測試，通常都會打聽咗公司想要邊類型嘅人才，再去回答問題😜雖然咁做可以幫你過到Apt Test，但就未必百分百幫到你了解自己性格真喺適合啲咩行業。今日HKCareers就想為你介紹一個喺外國非常流行嘅心理測驗：MBTI （Myers Briggs Type Indicator），呢個測驗唔只可以幫助你了解性格傾向，仲可以幫助你睇吓自己適合邊類工作或行業，例如你喺咪啱做前台溝通工作，定喺中後台等，對於剛剛開始考慮職業方向嘅大學生猶其重要！想知：
▶️MBTI 喺咩？- 80%嘅Fortune 500公司有用過MBTI？
▶️MBTI點樣幫助你了解自己啱做邊啲職位？
▶️邊啲人喺天生嘅iBanker / Banker?
俾個♥️就睇落去啦！
.
▶️MBTI 喺咩？
據Boston Globe報導，原來有大約80%嘅Fortune 500嘅公司都曾用Myers-Briggs Type Indicator (MBTI) 去研究新員工嘅性格類型，希望可以將合適嘅員工匹配係合適嘅職位上面。但係MBTI到底係咩呢？原來MBTI有1️⃣6️⃣種唔同嘅性格類型，而每一種性格類型都會有唔同嘅職業偏好架！同學如果想知道自己喺邊個personality type，可以喺網上免費做測驗 (小編會分享連結去IG Story！但你做完記得返嚟睇吓邊啲性格啱做銀行家🏦）
.
▶️MBTI點樣幫助你了解自己啱做邊啲職位？
MBTI其實就係一份有好多條問題嘅問卷，佢會發掘用家點樣睇呢個世界，遇到唔同情況時會做出咩嘅決定。呢份問卷一開始係由Isabel Briggs Myers同埋Katharine Cook Briggs所發明嘅🤓，佢哋係一對母女，係二戰期間，希望可以幫美國婦女搵到符合佢哋性格嘅工作。MBTI會對用戶嘅偏好進行分析，得出16種不同嘅人格類型。所以，MBTI嘅設計，本身就喺為咗幫助你尋找適合你性格特徵嘅職業，唔喺普通嘅心理測驗！
.
▶️邊啲人喺天生嘅金融人/銀行家?
根據adapture嘅分析，原來有五種MBTI喺最有可能係金融及會計領域蓬勃發展。想知自己適唔適合做金融/會計？繼續睇落去啦～
.
1️⃣ISTJ
✅ISTJs被稱為係會計工作、CFO職位或審計師職業等嘅最佳性格類型🔢
✅因為呢種類型嘅人通常都係忠誠、好勤力，十分了解自己角色嘅重要性
✅但佢哋真正成功嘅因素係佢哋擁有非常好嘅分析能力，令佢哋可以快速、準確咁完成工作。所以佢哋通常都好有計劃，每逢要做出重要決定之前，都會用佢哋嘅邏輯黎分析利弊🤔
✅比較鍾意單獨或係小團體入面工作，所以令佢哋非常適合需要更多數字計算而唔係同客戶交談嘅工作
.
2️⃣ESTP
✅呢種性格類型嘅人比較擅長係一啲需要維繫關係等嘅銀行職位上，因為佢哋鍾意同人打交道🙈
✅就好似ISTPs咁，ESTPs都係有邏輯嘅人，實事求是，會係決定之前分析情況
✅佢哋思想開放，鍾意刺激嘅嘢😆，令佢哋就算係處於危機之中都可以好好咁工作，靈活咁去執行計畫
✅ESTP可以係需要依靠機智嘅冒險角色入面可以表現得最好，所以亦都不難理解點解投資同埋銀行業會適合呢一類型人格
.
3️⃣INTJ
✅INTJ係「內向嘅直覺者」，佢哋更鍾意需要進行理論思考嘅工作，所以財務顧問、經濟學家或財務主管等工作會非常適合INTJs
✅佢哋係創造性嘅完美主義者，鍾意用自己嘅方式做事
✅佢哋對事物非常仔細，加上創造力同埋對細節嘅高度關注，令佢哋比其他性格類型嘅人更擅長制定長期計劃（例如為客戶投資一大筆錢）💰
.
4️⃣ENTJ
✅被稱為 “director"嘅人格類型，ENTJ係「外向嘅直覺者」，佢哋一樣都好適合擔任金融主管或風險投資家等嘅職位💼
✅佢哋天生嘅領導能力同埋直覺性令佢哋好容易咁睇明一個人，而通常會係具有權威性嘅角色入面更有效地表現出來，咁先可以充分利用佢哋嘅大局觀規劃能力😀
.
5️⃣INTP
✅同其他適合從事金融業嘅類型一樣，INTPs係理智、聰明同埋分析性嘅實用主義者🧐
✅同其他類型唔同嘅係，佢哋擁有更強嘅適應能力，對事物有獨特嘅睇法
✅佢哋游移不定嘅頭腦令佢哋可以輕易咁發現唔同嘅pattern，令佢哋成為金融分析師或經濟學家嘅完美人選
✅佢哋鍾意單獨工作或係非常細嘅團體入面工作，通常係需要進行理論研究同時又涉及精確決策嘅工作入面表現最好😎
.
覺得呢個報工相關嘅心理測驗好有用？快啲Share個post俾身邊嘅朋友，叫佢地同你一齊去做啦！
.
而如果你都係天生iBanker / Banker，咁就一定要睇吓點樣用盡自己嘅天賦！快啲去【hkcareers.hk】報名Career Advising Session & Demo，睇吓點樣做到啦！
ความคิดเห็น