top of page

喺投行實習期間遇到性騷擾可以點?


【喺實習期間遇到性騷擾可以點？】好多同學第一次踏入投行，就只會憧憬美好嘅一面，但係事實上投行（同其他好多行業一樣）都可能潛藏住不同隱患，例如喺「性騷擾」呢個問題！喺大多數情況下，肉眼係好難察覺到性騷擾嘅行爲，所以受害者往往會因爲覺得無證據，或者對方職位高過自己而唔敢拒絕對方既行為。如果萬一不幸地遭到性騷擾，而同學又唔出聲去制止嘅話，加害者只會變本加厲，久而久之就會對以後嘅intern或者其他同事出手，形成一個惡性循環！搵工同返實習對大學生來說當然好重要，但同學喺慢慢踏入社會嘅過程中，同樣要學識嘅就喺點保護同照顧自己，今日IBankCoaching就想同你一齊討論吓：

✅有咩常見性騷擾類型？

✅投行性騷擾既真實例子？

✅點先可以有效地防止性騷擾？

做緊實習嘅你俾個like，睇埋落去啦！

.

▶️何謂性騷擾？

⭕️性騷擾泛指帶有性意識，且不被接受嘅接觸。例如：如果某一方用各種方法去接近，或嘗試接近另一方，而另一方是無興趣、唔鍾意、唔願意，甚至唔想要呢d帶有性意識既接觸，就已經可以構成性騷擾

⭕️另一個例子就係：令你覺得唔舒服既身體接觸，對方send啲令你反感嘅相片或者影片等等

⭕️性騷擾涉及既種類非常之廣闊，不過大致可以分爲兩類：

.

1️⃣以利益做條件嘅性騷擾

❇️加害者往往係以爲自己比受害者優越或濫用職權嘅人。譬如上司威脅intern，如果唔同佢拍拖嘅話就會唔俾intern轉full time甚至會炒左受害者，或者提出如果一齊睇有性暗示嘅影片，上司可以幫你同高層講好説話令你可以拎到Return Offer，好多受害者往往因爲唔想失去工作機會而唔敢拒絕

.

2️⃣營造有敵意環境

❇️「有敵意嘅工作環境」係指受害者感到唔安全嘅工作環境。譬如你返intern嘅時候覺得公司係充滿住歧視同埋性騷擾嘅環境，令你每日返工都好驚，覺得長期受到恐嚇同埋威脅，無辦法有正常嘅表現。如果office令你覺得自己長期收到騷擾同埋威脅嘅話，就已經有機會構成性騷擾

.

▶️投行性騷擾嘅真實例子

👉🏻Oden Asset Management

❇️根據Forbes報導指出，Morgan XXXXXX將會同英國對沖基金經理Crispin Odey及其公司Oden Asset Management中止合作關係，咁係因為Odey涉及被13名女性指控性騷擾，而Odey方面就否認指控；Financial Times亦指出英國金融機構FCA亦會就事件展開調查。

.

▶️點樣預防性騷擾？

⭕相信自己既直覺/ 感受

每個人嘅臨場處理方式同埋應對技巧都唔同，但無論遇到任何情況，一定要相信自己嘅感受同埋直覺。感覺唔舒服嘅時候，千祈唔好自責，或者抱住輕視或者幫加害者解釋嘅態度。忍耐同逃避性騷擾只會助長職場性騷擾嘅問題，所以遇到疑似性騷擾嘅行爲時，應該即時制止對方嘅行動

.

⭕尋求協助

就算事情過去咗好耐，都可以尋求支持，去防止相關嘅事情再發生。不論係同朋友提起或者同公司投訴，同學都可以向公司提出改善有關於性騷擾或者侵犯嘅政策，咁就可以有效地避免有更多同類事情發生！

.

⭕培養對性騷擾的正確認知

好多時候，性騷擾唔只喺肢體上，同樣可以來自言語上，而背後嘅原因可能包括有唔尊重嘅態度同埋性別優越感。同學們要記住無論係男定女都有可能係加害者或者受害者，喺擁有正確嘅性騷擾/侵犯認知之後，你先可以喺突發情況下保障自己應有嘅權益

.

以上就係關於投行職場性騷擾嘅幾個例子同埋相關嘅預防方法。實際上，無論同學們做咩行業都好，性騷擾都係唔可以容忍㗎。希望同學們睇完篇文之後學識更多保護自己嘅方法，遇到性騷擾一定要出聲同揾人幫手！

.

最後，記得Follow @ibankcoaching，咁大家就可以第一時間掌握所有投行必知資訊啦！

.


Comments

Categories
Recent Posts
bottom of page