入投行 Asset Mgnt及Private Banking必學Keywords！AUM、HNWI、NAV你有幾熟？面試識唔識答？

HKCareers經常會建議想入PB或AM嘅同學要一齊報曬呢兩條Team，咁係因為PB同AM要識嘅Tech Knowledge好多時亦可以互通，可以一次過準備面試，慳水慳力！今日就想同你講下AM同PB必學Keywords：✅AUM、✅HNWI、✅NAV！如果你對PB及AM有興趣，咁就唔好錯過啦！（又有Free Resources？喺呀！多啲尼密啲手！）

.

1️⃣Assets Under Management (資產管理規模)

⭕️喺咩尼：AUM喺指由Mutual Fund (互惠基金)、Hedge Fund(對冲基金)同埋Private Bank (私人銀行)等所管理嘅資產總值

⭕️幾時出現：AUM主要用嚟衡量基金管理公司、投資銀行或者金融控股公司資產管理業務嘅規模。個AUM越大代表間銀行/公司嘅行業地位越强。AUM嘅變動會受到資產價格變動、客戶資金增減、滙率變動等嘅影響，一般嚟講AUM增加表示基金旗下資產市值增值或者有客戶資金流入。所以，客户投資嘅資金變動對於量度AUM就好重要喇！

.

2️⃣High net worth individuals (高淨值客户)

⭕️喺咩尼：HNWI一般指個人擁有可供投資資產(唔包括住宅、車輛、收藏品等非流動資產)超過100萬美元嘅人。喺香港被定義為HNWI 嘅客戶擁有100萬至3000萬美元不等。超過呢個數就會叫佢哋做 ultra high net worth individuals (UHNWI) 喇。據統計，而家全球有1540萬嘅HNWI 同埋51萬嘅UHNWI客戶。差唔多一半嘅UHNWI喺嚟自美國，而香港曾經喺17年成為最多UHNWI嘅城市(10,100人)，不過喺之後嗰年就俾紐約爬翻頭！

⭕️幾時出現：HNWI / UHNWI呢類Keywords對於俾我地評定一間銀行嘅Private Banking勁唔勁亦好重要。點解BB Banks嘅Private Banking會比細行勁？就喺因為佢地嘅開戶資格要高上好多！唔係UHNWI都好難做到佢地嘅客！呢點對想做PB或AM嘅同學來說就好重要，因為Serve嘅客戶愈有錢，Exposure同Bonus一定會愈大！以下喺一啲數據俾同學參考：

▶️UBS、JPM、MS或者 GS 等大行因為入場門檻高，一直被視為最高級嘅Private Banking；好似 UBS咁，寫就寫話只需要有十球美金（大約八千萬港幣）就可以開戶，但實際上UBS已經好少收新客，即使你有八千萬港幣，如果無現有客戶或內部轉介都幾難係UBS開到戶口。除左以上幾間外，Citi嘅PB亦好出名

▶️係匯豐、星展或渣打等外資行嘅PB開戶大約要三、四千萬港元

▶️中資行嘅PB入場門檻會再低啲，手持大約一千萬港元就可以入場

.

3️⃣Net Asset Value(資產淨值)

⭕️喺咩尼：NAV喺將一間公司嘅總資產數額減去總負債

⭕️幾時出現：就基金而言，資產淨值代表基金嘅實際價值，NAV通常是以每一份股票嘅單位計算，例如A公司嘅每股嘅NAV喺一蚊美金，咁每股就可以分倒一蚊嘅的資產。條式喺 NAV/普通股數目。理論上當公司賣曬啲資產同還清負債之後，淨翻嘅就喺比股東攞得翻嘅。由於上市公司嘅股票可以自由買賣，佢嘅股價可以高或低過每股嘅NAV。如果股價低過NAV，股票就抵買，高過就唔抵買啦。不過，喺實際應用時我哋仲要考慮埋間公司嘅盈利前景啦🤪

.

如果同學想入投行，當然要一步步Build up CV。而要累積相關工作經驗，一般都要由細公司開始做起，為左幫助想搵頭一兩份實習嘅你，HKCareers又準備左一份Fund House List，如果想Send Cold email試搵下PT/Summer Internship嘅同學，都可以Download尼睇睇！係呀，新年嘛～趕起多啲Resources送俾你囉😎我地咁勤力，你都要勤力搵工呀！

.