top of page

係海外讀U對你搵實習有咩正負面影響？點先可以增加拎Offer嘅成功率？



作為Overseas Student嘅你，係咪發現自己搵實習時面對嘅野同HK同學仔好唔同？其實係英國、美國、加拿大同澳洲讀U，對你搵工都有好多正負面影響，要留意同準備嘅事情好唔同，一唔覺意就會錯失好多機會，令你搵工時處處受阻！無論你係已經去左，定考慮緊出去海外讀書，都一定要like同睇清楚今日篇文，增加拎Offer嘅成功率！

.

⭕️英國🇬🇧

▶️大學三年，需要把握Spring Week：由於UK大學只讀三年，同學做Career Planning嘅時間都會少左。第一年已經要好好把握同準備Spring Week，因為Spring Week做得好，可以幫到你直接拎到Summer Internship Offer，再來係畢業後嘅Offer！不過咁樣嘅流程，唔好之處在於如果同學第一年時未訓醒，無好好把握到Spring Week，Y2升Y3時係無咩工作經驗嘅情況下要搵一份有return offer 嘅Internship，就會辛苦好多！

▶️可以報多過一個地方嘅工：而係UK讀書嘅好處係，同學可以報London, Manchester, 或其他細城市嘅office。係HK讀書嘅同學，如果想報英國嘅大公司，基本上無咩可能，但係英國讀大學嘅你，就會多左唔少機會。例如係報香港MBB嘅同時可以一齊報埋UK MBB

▶️GPA計分方法有著數：UK大學並唔會有GPA，只會計Hon，可能係First class/ 2:1 等，咁嘅計分方法係報工時會比香港嘅cGPA好，因為你只需要寫自己achieve左First class/ 2:1，唔需要寫一個實際嘅數字：如3.2 / 4，公司都唔會知道你究竟係First class定只係車尾跳左上FIrst Class行列

.

⭕️美國🇺🇸

▶️要入外資行特別有優勢：係美國讀U嘅同學，特別係Ivy League呢啲Brand name咁強嘅學校，如果返到尼香港報外資行會有明顯優勢，特別係Goldman Sachs同Citibank呢啲美資行本身好喜歡係US讀書嘅同學，請人時都會傾向揀多啲US同學！

▶️時差大，Online Inteview辛苦：今年因為疫情關係，好多面試或Assessment Centre都改係網上進行，好處係海外讀書嘅同學唔使再掙扎係咪要買機票返尼面試啦，直接上網做就得。但由於US本身同HK時差都幾大，好多US同學都要係凌晨做Interview，表現可能都會受到影響😴

▶️US都有Spring Week，情況同UK同學相似，都係要提早做Planning（請參考返上文）

.

⭕️澳洲🇦🇺

▶️極難做到暑實：由於澳州嘅冬夏天同香港調返轉，放Break時間同長度不同，澳洲同學大部分都無可能做到Summer Internship，連帶同所有Return Offer都無緣😫

▶️一定要Focus Winter Internship：澳洲同學必須要做嘅就係努力搵HK Winter Intern，雖然香港嘅Winter Internship較Summer少，但當中仲有啲係會有Return offer嘅，例如好似Big 4 Winter Internship咁，對於大部分HK同學來說其實已經叫係Spring Intern，需要defer去做，但AUS同學就完全可以做到，一定唔可以錯過

.

⭕️加拿大🇨🇦

▶️整體Job hunting氣氛比較弱：雖然亦有唔少香港同學係Canada讀書，但加拿大個方面搵實習嘅氣氛似乎就無HK、US、UK、同AUS咁熱烈，而呢點會令剛到加拿大讀書嘅同學變得鬆懈。其實加拿大好多U嘅Brand Name 如UT同UBC都好唔錯，如果同學想爭入大行，其實都一定會機會（又或者如果你知道點解加拿大同學較少Chur Internship，歡迎係下面留意話我地知）

.

不過無論係去邊到讀書都好，共通點就係當地嘅Career Center好少會有香港各間大學咁多資源，就算有Support都好少會包埋係香港搵Intern，所以同學一定要記得Follow HKCareers! 等我地幫你補足返呢方面缺口🤪 如果你有Friend係外國讀書，又或者係考慮係咪要出去讀U或Master都好，都記住Share篇文俾佢 🤟🏻！




Commenti

Categories
Recent Posts
bottom of page