top of page

人靠衣裝：5個大學生返工前必知小資品牌



【第一日返工可以點impress老細？】話咁快就踏入六月，即係代表住夏季實習馬上就要開始喇！各位同學準備好哂所有嘢未？係時候要諗吓點扮靚啦！正所謂「人靠衣裝，佛靠金裝」，返工第一日嘅打扮就係你同事對你嘅第一印象，所以真係超級重要！今次就等IBankCoaching直接話你聽實習期間要點著先可以令supervisor對你印象大大大加分！想知就睇埋落去啦！

.

【點解實習期間嘅裝扮咁重要？】

無論同學返邊個行業都好，作為intern，好多時候上司都會帶你出席大大小小嘅會議，不論係見客定其他重要場合。呢個時候，presentable嘅觀感可以比到其他人一種可靠、整潔、專業嘅形象，自自然然人哋對你信心度就會大增，到時做嘢就事半功倍喇！

.

【女士必知打扮貼士】

⭕️檢查儀容

Presentable嘅外表唔係指你有幾靚仔/女，重點係整潔同專業！所以interns們請確保你嘅頭髮乾淨企理、修剪+保持指甲清潔、確保口氣清新、避免用濃烈嘅香水，仲要保持衣服乾淨燙貼！

.

⭕️基本化妝技巧

想望落精神啲嘅話，建議同學可以化淡妝返工。妝容重點係提亮肌膚、自然低調，所以同學記得要避免用厚重嘅粉底，可以選擇輕盈嘅BB cream/有色潤膚霜，打好個底。同學仲可以用中性眼影顏色，避免大膽/誇張色調，同時記得保持雙唇滋潤同用淡淡地嘅唇色，咁返工就會有神采得嚟，又唔會太浮誇👍🏻

.

⭕️揀選合適衫&鞋

同學切記，特別係返工第一日，即使無特定裝著要求，始終都要著得專業同formal啲，避免著過份暴露或者緊身衣服。同一時間，full suit可能會太沉悶，可以嘗試：

✅淨色裙

✅襯衫+裙/西褲

✅外配blazer/formal cardigan

鞋方面：

✅平底鞋

✅斯文尖頭高踭鞋都合適！

.

⭕️推薦服裝品牌

添置衣飾方面，考慮到同學經濟能力，大家可以選擇有信譽嘅「小資」品牌，例如：

✅Zara

✅ASOS

✅Love bonito

✅Zalora

✅小CK等，

鍚住同學荷包之餘，又可以入手啲大方得體嘅裝束，返工見客就更有信心👍🏻

.

【男士必知打扮貼士】

⭕️檢查儀容

同女同學一樣，除咗指甲清潔、口氣清新之外，頭髮乾淨企理喺第一印象會加好多分。男同學要定期修剪頭髮，亦不妨用hair gel固定頭髮，令整體形象更sharp醒！

.

⭕️保持專業形象

男同學想望落醒目、落落大方，喺外表上落啲功夫至關重要。由「頭」開始落手，保持每日剃鬚習慣，將耳毛、鼻毛等面部毛髮修剪整齊。夏日炎炎，特別係鍾意運動/汗腺發達嘅男同學，可以隨身攜帶輕巧便攜嘅止汗劑，保持體味清新。 仲有！記得刷靚你對皮鞋，咁就萬無一失💯

.

⭕️著西裝嘅基本禮儀

夏天返工熱辣辣，男同學未必可以次次都full suit上陣🥵，但都唔可以掉以輕心！必須確保你嘅西裝/襯衫/西褲都啱身，唔會過緊/過鬆！除咗確保你嘅襯衫乾淨、熨燙，特別會議仲要將tie打好，顯示你對重要場合嘅認真同重視！IBankCoching小提示：同學嘅腰帶、鞋，同你著嘅西裝顏色可以互相配合返，甚至花啲心思，留意你返嗰間公司嘅logo顏色，喺衣著上可以互為輝映，打tie嘅顏色吻合返公司brand colour，喺細節上令人眼前一亮！

.

⭕️基本配件

所謂「工欲善其事，必先利其器」，喺小心選擇各類配件做”返工buddy”時，男同學不妨考慮用公事包去攜帶文件/平板/手提電腦，背囊都得，但要選擇睇落專業同由優質材料製成嘅背包。腰帶方面，啡/黑色細皮帶可以話係搭配幾乎所有裝束嘅絕佳選擇。至於手錶，皮表係永不過時嘅經典之選，Apple Watch 都可以，但請務必選擇外觀專業嘅錶帶。

.

Internship期間裝著專業，絕對會令人留低深刻印象同展示同學良好嘅工作態度。所以同學切記要穿著合適嘅衣物同配飾，咁就可以自信地向周圍嘅人展現專業形象， 祝各位同學實習順利！

.

最後，當然係Follow IBankCoaching，咁你就一定唔會錯過最新投行資訊！想知我哋嘅coaches可以點幫到你，就立即去 ibankcoaching.com 報名參加program demo啦！

.


Comentarios

Categories
Recent Posts
bottom of page