top of page

DSE考生排JUPAS必讀：各大院校搵工各自有咩優勢？邊間大學嘅同學最易報實習？


【JUPAS揀科，仲要睇埋各間大學嘅搵工優勢？】大部分師兄姐/老師都只會話你知，不同大學有咩出名，邊啲科目嘅入學分數要求等，但HKCareers💡關心嘅，就當然喺各大院校邊間最幫到你搵工！喺呀，你唔好以為自己剛剛考完DSE，只喺準大學生，唔使諗咁遠有關報工嘅事情！事實上，由於每間院校都有唔同嘅：

✅時間表

✅GPA成績評核準則

✅學科優勢

對你之後搵實習，甚至喺Grad Job將會有直接影響！想知港大、中大、科大、城大、浸大同理大呢六間院校嘅同學喺搵工上有咩優/劣勢？咁就記得俾個♥️再睇落去啦！

.

🔥2023 JUPAS重要日期：

2023 DSE同學無理由唔知道，8月9日喺放JUPAS嘅大日子，你將會知道自己能夠入到邊間大學！但喺考完DSE到放JUPAS之間，你就當然唔喺兩手搖搖無咩做啦！事實上，呢段時間喺你可以研究吓邊間大學適合自己，決定點修改課程選擇嘅最後機會！以下就喺之後排JUPAS嘅一啲重要日子：

📍6月28日：申請人可以開始查閱獲分配修改課程選擇的個人時段

📍7月19日：香港考評局公布DSE成績

📍7月20至22日：申請人可以於個別指定時段內修改課程選擇

📍8月9日：公布正式遴選結果

.

咁你喺7月20至22日期間，仲有咩要考慮，決定入邊間大學好？繼續睇落去啦！

.

🔥HKU 港大

✅聽講HKU 學生好chur？考試期間仲要準備interview？

因為港大通常要五月尾先考完試/完Sem，喺你努力考緊試嘅同時，有唔少公司依然做緊面試，特別喺Y1/Y2剛剛開始搵實習嘅同學，好多時你地剛剛開始報嘅細型公司，都會偏遲少少面試。加上，BBA好多科目都好少用Essays/projects做final，同學就需要更多時間去準備考試啦！因此有啲港大同學都會同HKCareers分享，同時準備面試及考試會辛苦少少！

.

✅港大同學搵工/報Master真喺好有優勢？

確實HKU響當當嘅名聲對同學真喺好有幫助，不單只去外國報名校Master更具競爭力，仲可以幫助你更易過到投行、銀行、Consulting Firms、Big4、FMCG嘅Screening！而且因為HKU嘅名聲，對於junior year未有太多工作經驗嘅同學來說，亦較易搵到第一份實習！

.

✅HKU Business同學有Fast Track入HSBC？！😻

HKU嘅同學仲偷偷分享俾HKCareers知，原來佢地嘅商學院同匯豐有合作計劃，提供Fast Track俾HKU同學，吸納更多有潛質嘅人才！可見港大同學喺搵工上真喺有明顯優勢！ .

🔥CUHK 中大

✅中大Winter Break好短，唔夠時間返intern？

中大同學其中一個比較輸蝕嘅地方，就喺Winter break好短，好難返到winter intern，變咗會比其他院校嘅同學少咗幾個實習時段（但亦好彩，香港有開Winter Intern嘅公司唔算太多，唔算輸蝕得太入肉）

.

✅Late Add/Drop Period提供更多彈性！ 不過中大同學喺時間表上亦有一個明顯優勢。中大本身有Late Add/Drop Period，即喺同學可以去到好後期仲繼續Add/Drop，有中大同學分享我地知，佢嘅親身經驗喺：本來有個學期想專心搵實習，只喺Reg咗好少科，估唔到一開Sem就拎到Offer，於是佢就可以透過Late Add/Drop報返啲科讀，令之後追Credit無咁辛苦！

.

✅中大拎靚Grade去報工難唔難？

CU嘅GPA採用4.0制（有啲院校喺over 4.3），有唔少中大同學都覺得，相對於其他院校（如科大），要過三爆四嘅難度相對會低少少。中大同學要攞到B Range嘅成績相對容易，但要攞到A Grade就一樣需要再努力啲讀書，一班可能只會有少數同學拎到！

.

另外，中大提供University package同Faculty package嘅Course需要同學去完成，大部分同學都會喺Y1 / Y2 時讀咗先，咁去到第三同第四年就可以更專心地去搵工

.

✅中大同學搵工有咩學科優勢？

而中大除咗醫科同商科非常出名外，Social Sciences方面都頗有名氣，對呢啲學系嘅畢業生及同學去搵工都好有幫助！特別可以留意CUHK嘅MBA個名同樣非常響噹噹（雖然呢點對於剛考完DSE嘅同學來說可能叫做有啲遙遠）！

.

最後，由於學制嘅設計，中大同學想要攞minor或double minor都相對容易，只要你能夠完成所需credits同課程要求就得！甚至有中大同學分享，指自己去到Y2頭先決定Minor，依然可以順利讀得切minor所需Credits，對於想自己嘅Profile睇落去更勁，搵工更有優勢！

.

🔥PolyU 理大

✅PolyU Sem Break夠曬長！有充裕時間去返intern！😆

理大Winter break差唔多有一個月，而Summer break假期竟然可以長達4個月😳（因為開學頭兩個禮拜喺Add/Drop Period，唔會計出席率），令理大同學一年可以返到3份實習（Winter一份，Summer 一至兩份），絕對唔使怕無時間返Intern！

.

而喺考試方面，理大通常5月頭已經考完試，Poly同學相比起其他U嘅學生，自然就有更多時間專心準備面試！

.

✅理大新推行嘅scheme課程要咩grade💯先可以入到想讀嘅major？

理大由上一屆開始推行scheme-based admission， 同其他U唔同嘅係，理大嘅Scheme已經收窄左，唔再行broad-base制。即喺話當你用DSE成績，透過JUPAS去報理大時，報嘅Program已經喺指定嘅Field。例如同學一旦揀咗讀Management & Marketing，升上Y2就冇得再揀Accounting major， 所以申請JUPAS嘅時候要特別留意呢個重點❗️

.

呢個收生方法嘅好處喺Y1收生名額會多咗。不過，升上Y2時如果你揀嘅major比較受歡迎，就會用GPA嚟分配名額，所以Year1嘅GPA都要努力㗎！💪

.

✅理大有咩科系相對有競爭優勢呀？🤔

喺理大嘅科系中，最有優勢嘅當然喺health science啦～ 包括物理治療、職業治療、放射學同視光學。特別係理大有自己嘅眼科診所👁，可以提供好多實踐同研究機會，所以呢個科系好受歡迎。仲有值得一提嘅就係酒店同旅遊管理🏝，因為理大有自己經營嘅酒店，可以俾學生好多實習機會，就業率好高👏

.

睇到呢度，各位DSE同學仔喺咪都對🔥HKU 港大、🔥CUHK 中大、🔥PolyU 理大同學喺搵工上嘅優劣勢有更深認識？！不過篇幅所限，#HKCareers 今次就出唔曬另外三間院校：科大、城大及浸大嘅資料！如果你都想睇埋餘下三間院校嘅資料，就記得俾個♥同Follow @HKCareers ，如果個Post受歡迎，小編就寫埋另外三間院校啦😉！

.


Comments

Categories
Recent Posts
bottom of page