top of page

DSE考生必讀：點排JUPAS先最易入到投行？


【JUPAS要點排，你一畢業就可以拎到50–70K＋人工？】仲有幾日就放榜啦，DSE同學最重要嘅任務，當然係把握時間，慎重考慮點排JUPAS嘅次序。呢個決定將會影響你未來幾年嘅人生，甚至喺將來事業嘅發展！唔講你唔知，原來有啲大學嘅學科，畢業生會特別容易入到投行前台（甚至可以話喺被爭住請），一畢業就拎到50–70K＋嘅人工💰🤑，你又可唔可以想像到自己今年仲喺DSE考生，4年後已經拎到咁高嘅人工？所以話，同學如果揀啱科嘅話，就等於半隻腳踏咗入投行，自然就贏在起跑線啦！有見及此，今次IBankCoaching就準備咗一個清單，一次過話你聽：

✅邊啲科目最容易入到投行？

✅每一科有咩特色？

✅每科最高同最低要幾多分先入到？

咁就save低個post再睇落去！

.

【邊啲科目最容易入到投行? 】

▶️Global Business (GBus) 環球商業學

❇️HKU, CUHK, UST, CityU

❇️GBus課程概括

同學除左會學普通經濟商業理論之外，仲會讀法律課程，例如： Business Law、Company Law，亦都會有風險管理和會計等課程。唔同大學都有不同安排

⭕例如以中大課程為例: 由year3開始，同學會分別喺丹麥哥本哈根商學院、美國北卡羅萊納大學教堂山分校及香港一同學習三個學期

⭕而科大就容許同學們按自己的興趣選擇修讀額外主修或副修課程，例如金融學、資訊系統學等等。而學生必須選修一種外語，並到海外exchange至少一個學期。當然普遍既GBus課程都有提供mentorship programme，幫助同學喺大學階段建立商業知識，同埋訓練口才溝通等等既soft skills，令你喺畢業之前可以擁有一定嘅人脈，自自然然喺iBank既國際商業環境中就可以脫穎而出！

.

❇️GBus要幾高分先入到？

👉🏻HKU JS6896 (LQ:50 HQ:52)

👉🏻CUHK JS4214 (LQ:35 HQ:38)

👉🏻UST JS5313 (LQ:68 HQ:56)

👉🏻CityU JS1001 (M:27)

.

▶️Quantitative Finance (QFin) 計量金融學

❇️HKU, CUHK, UST

❇️QFin課程概括

⭕QFin既同學會讀會計、企業財務、同埋投資組合管理等等既基礎金融學科。Year 3開始會學應用喺計量金融學科，如風險管理、金融工程、試算表財務建模和數學金融學等等。每間大學都會提供mentorship programme比同學之外，而每一間都有以下分別：

⭕港大既課程特別設有模擬交易培訓課程，同埋到其他國際金融中心（纽约,倫敦,蘇黎世）實地考察等嘅機會。畢業生可獲豁免職業風險管理師（Professional Risk Manager PRMTM）指定課程的考試卷一, 有職業風險管理師的專業資格

⭕而科大亦可以讀人工智能或數碼媒體和創意藝術其中一科延伸主修，令同學可以穩固金融知識基礎、必要的數學知識同埋統計工具的應用，日後面對投行嘅technical Qs就無咁吃力！ 總括黎講，QFin可以為同學提供同金融業界建立connections既機會，幫助同學們加深對業界的認識，等時有投行面試就自然多啲有關經驗可以講。

❇️QFin要幾高分先入到？

👉🏻HKU JS6884 (LQ:50 HQ:47)

👉🏻CUHK JS4252 (LQ:32 HQ:30)

👉🏻UST JS5332 ( LQ:63.3 HQ:72.25)

.

▶️PWAM (Private Banking and Asset Management)

❇️HKU

❇️PWAM課程概括

⭕港大既PWAM頭兩年課程會讀財務會計、同埋投資組合分析等基礎學科之後，繼續修讀多個與資產管理及私人財富管理專業相關的高級學科，包括股權估值、信貸等等。同學喺課程既第二或者第三年會有機會去overseas exchange同埋係在相關行業實習。

⭕另外，港大亦都積極安排同學同行內專業人士有唔同形式的交流，協助同學於行內建立人際網絡。呢個programme特別之處係學生可以喺修讀課程的第三或第四年，完成香港證券及投資學會舉辦的相關執業資格考試卷一。提供資產管理理論和應用的訓練為係入投行做好準備。

❇️PWAM幾多分先入到？

👉🏻HKU JS6860 (LQ:46 HQ:48)

.

▶️Risk Man 風險管理

❇️HKU, CUHK, UST

❇️Risk Man課程概括

⭕Risk Management呢一科會由保險和金融等唔同範疇了解風險管理。同學唔單只可以吸收統計學的知識，同時亦會有其他基礎科目的培訓，包括金融學、數學同埋計算機科學等等。

⭕呢種專門化既課程着重於分析同埋判斷範圍，例如數學建模同埋金融風險管理的統計分析等等。對呢一科有興趣既話亦可以留意科大既4+1degree，同學可以喺在undergrad第四年開始讀理碩士（金融科技）課程，並喺第二年作為全日制學生進入理碩士課程，係 5 年內完成兩個degree！

⭕課程內容同金融知識環環相扣，代表住同學喺大學已經可以慢慢建立投行需求嘅Tech Knowledge，咁就可以比其他人更早準備入投行啦！

❇️Risk Man幾多分先入到?

👉🏻HKU 6901 (LQ:38 HQ:46)

👉🏻CUHK JS4719 (LQ:25 HQ:27)

👉🏻UST JS5814 (LQ:47.4 HQ:72.25)

.

同學要留意嘅係，以上所有資料都係來自各大院校嘅官網，而提及既科目分數只可以作參考用途，今年嘅分數有可能會有少許分別，呢個就要視乎返今年嘅情況啦！不過咁，揀科既時候最重要都係以自己興趣爲先，唔好盲目咁跟風啊。切記！呢場考試只係你人生中既一小部分，就算你既分數唔足夠入到以上提及既科目都唔係世界末日，條條大路通羅馬，同學們一樣有機會入ibank做嘢㗎！

.

當然，要記住Follow @ibankcoaching 咁你就可以第一時間掌握所有投行必知資訊！

.


Comments

Categories
Recent Posts
bottom of page