Citibank Senior Analyst因為兩杯咖啡而被炒魷？

【飲兩杯咖啡，食兩件三文治就被Citibank解僱？】最近Financial Times就有篇報道：Citibank有位資深分析師因為Claim食飯錢Claim埋伴侶個份，被銀行認為係虛假陳述，就係為咗嗰兩杯咖啡、兩件三文治，搞到被公司控告，最後連份工都無埋！唔好笑住，亦都唔好以為呢件事同你無關！事實上，所有投行嘅面試都非常重視「integrity」，只要你面試答唔好呢類問題，就會即時被投行Foul出局，甚至Blacklist唔會再請🥺！隨時死咗都未知發生咩事！咁緊要，就等IBankCoaching為你講吓：

✅成件事到底係點？

✅點解Integrity對投行咁重要？

✅有邊啲投行嘅core value都有「integrity」？

等你可以係面試時避開曬呢啲致命陷阱！

.

【成件事到底係點？】

❇️ 喺2022年，資深分析師 Szabolcs Fekete 去咗阿姆斯特丹出差三日兩夜，返到公司佢交完份報銷申請之後，上司懷疑報銷金額有問題而拒絕咗份申請，結果件事鬧到上法庭，東倫敦雇傭法庭駁回Fekete嘅訴訟，並裁定花旗銀行勝訴。不如我哋深入啲了解吓呢單報導！

.

❇️ 法庭指出，Fekete 自 2015 年開始喺花旗銀行做，佢同佢嘅伴侶一齊去咗阿姆斯特丹出差，但佢伴侶並唔係銀行嘅員工。佢喺 7 月尾交咗報銷申請，聲稱金額遠低於銀行每日 100 歐元嘅限額。不過，一位高級經理同佢講，佢嘅報銷申請會被拒絕，因為佢覺得收據上嘅食物係為兩個人準備嘅。就呢件事件， Citibank仲展開咗內部調查。

.

❇️ 調查期間，Fekete最初否認同伴侶一齊進餐，但係經過一輪調查之後，Fekete先承認其中一部分係伴侶嘅消費。因此，花旗銀行調查篤定咗Fekete違反Citibank嘅費用管理政策，所以就以重大過錯為由炒咗佢。

.

睇到呢度，相信同學都明白一時三刻嘅大話，好容易會俾人揭穿，結果就搞到自己大好前途盡毁。其實無論喺邊個行業都好，「誠信」從來都係最重要嘅一環，尤其係投行。就等我哋睇落去到底點解誠信對投行嚟講咁重要啦！

.

【點解Integrity對投行咁重要？】

Integrity對投行嚟講咁重要有3️⃣大原因：

1️⃣ 首先，投資銀行業務涉及大量嘅金融交易同客戶關係，誠信係建立同維護呢啲關係嘅基石。客戶需要值得信任投資銀行機構，喺處理佢哋嘅資金同敏感資訊嘅時候，可以保證佢哋嘅利益同保密性。誠信係建立良好聲譽同長期客戶關係嘅重要因素。

.

2️⃣ 其次，投資銀行業務中涉及好多法規同合規要求。呢啲法規係要確保市場公平、透明同合法。誠信係確保遵守呢啲法規同要求嘅關鍵。投資銀行需要以誠實、透明同合規嘅方式進行業務，避免操縱市場或者從事不當行為。

.

3️⃣ 另外，投資銀行業務中嘅專業形象同職業道德非常重要。呢啲機構代表住金融市場嘅重要參與者，佢哋嘅行為同決策對市場同投資者有重大影響。誠信係確保佢哋以公正、負責同道德嘅方式行事嘅關鍵價值觀。投資銀行需要喺處理客戶嘅資金同交易嘅時候遵從高標準，避免利益衝突同不當行為。

.

【有邊啲投行嘅core value都有「integrity」？ 】

除咗Citibank之外，以下投行嘅core value都包括咗Integrity，分別有：

⭕️Goldman Sachs

⭕️Barclays

⭕️JPMorgan

⭕️US BB Bank

⭕️Nomura

呢啲只不過係BB Banks嘅例子嚟，相信好多其他Banks都好重視誠信呢一環！ 同學做intern嘅時候就記得千萬唔好講大話啦🙅🏻‍♀️呢個絕對係投行嘅大忌嚟！

.

最後，如果同學你都鍾意IBankCoaching寫多啲投行嘅有趣新聞，咁就俾個❤️我哋同share個post俾你朋友啦！

.

#achievewithus #hkcareers #ibankcoaching #dse2022 #dse2023 #dse2024 #hku #cuhk #hkust #investment #banking #yourcareersolution