.png)
AI終於可以上網? 好唔好用？
【當AI可以上網，你搵工會唔會易咗？】原來ChatGPT等AI ChatBots已經面世超過半年時間啦，唔知同學又係咪已經將AI工具嘅使用，融入咗去你嘅生活，特別係搵工報實習之上呢？AI工具雖然提供到好多方便，為你同我節省咗好多工作嘅時間，但其最為人垢病嘅，就係啲ChatBots唔識得上網，用緊嘅都係比較舊嘅資料庫，係做資料搜查同研究時，就唔夠幫到手！但最近ChatBots似乎終於學緊上網，識得係網路上幫你搜查最新嘅資料！今日HKCareers💡就想同你講吓：
1️⃣邊個ChatBots咁醒，終於識上網? (你唔係仲只係識ChatGPT呀？）
2️⃣真人實測：ChatBots識上網後，係咪真係可以係報工上幫到手！
3️⃣用ChatBots做報工嘢嘅問題：
想知點樣更好地利用呢啲新科技，去幫助自己搵工順利啲嘅同學，就一定要Save低呢個Post啦，再睇落去啦！
.
1️⃣邊個ChatBots咁醒，終於識上網?
香港人要用AI Bot，或者係全稱「AI-powered language model」嘅工具，通常都係透過用Poe（網頁或APP版都有）。咁但係喺Poe上面，其實並唔只係有你哋一定聽過嘅「ChatGPT」，仲有「Claude」同收費嘅「GPT-4」等！
.
而HKCareers最近就發現，有個最新嘅ChatBots「Web-Search」登場了！聽個名就知「Web-Search」會上網，咁小編就當然要去試吓佢係搵工之上，有幾幫到手啦！
.
不過係開始之前，要留意呢個ChatBot仲係「in beta release」，即係指一個軟件或網上服務喺正式推出之前嘅測試階段。喺beta release期間，產品會提供比較有限嘅用戶使用，以便識別同報告可能存在嘅錯誤或故障。呢個測試階段有助開發人員收集意見反饋同改進產品，直至最終版本推出
.
簡單而言，小編會形容佢學緊上網做嘢，但又唔肯話你知佢識幾多，暫時都只係Release咗少少功能！所以我哋就只能夠測試咗呢少少功能先！
.
2️⃣真人實測：ChatBots識上網後，係咪真係可以係報工上幫到手！
咁第二點要測試嘅，就係「Web-Search」有幾醒啦！「Web-Search」嘅簡介，表示自己「可以根據需要進行網絡搜索，以提供相應嘅回答。特別適合查詢有關最新資訊或具體事實嘅問題」
.
▶️小編就嘗試問啲報工時常問嘅簡單問題先，例如圖6 所見：「What is commercial bank?」，咁「Web-Search」嘅回答，其實同GPT-4大同小異，唯一嘅分別，就係最尾會加多幾條Links俾你，等你自己可以去睇吓更多參考網站，用中文問就俾中文Link，英文問就英文Link，呢點都未算好勁，畢竟我地自己去Google Search，都可以搵到類似結果，叫做係佢幫埋你做sourcing，俾埋你要睇邊條Link，可能係搵工Research上可以省少少時間啦！
.
▶️再問啲需要最新資料嘅問題：「what's the latest interest rates?」呢啲問題就開始睇到「Web-Search」有能力提供最新數字啦！
. ▶️ChatBots識得做整理未？
咁但係同學用得ChatBots，當然唔只係要新資訊啦，因為用Google都唔會難得去邊。ChatBots如果真係要夠有價值，當然需要✅真係明我地想問咩，同✅幫到我地Consolidate、Summarize，即係要識幫我地諗埋嘢，而唔只係提供新資訊叫我自己諗🤣！
.
所以小編就開始考吓佢識唔識「Can you do a stock pitch for hk's property markets」，如圖8所見，我地唔可以話佢完全唔識，但你話係咪到投行面試Level，又好顯然未係。感覺上就似係佢唔知係邊個網站抄咗人地啲嘢話你知，但又未係好中Point咁！
.
但老實講啦，小編去寫呢篇文之時，都問過幾次類似嘅問題，可以發現，每次「Web-Search」嘅答案都比之前好，可以感覺到佢係有學習同進步緊！可惜嘅係，似乎仲要啲時間。
.
3️⃣用ChatBots做報工嘢嘅問題：
雖然話ChatBots好勁，有好多進步，可以幫我哋節省時間，但同學都一定要留意，「盡信Bot不如無Bot」，例如之前就有好多人發現，可能因為ChatGPT嘅使用人數太多，當ChatGPT去回答好多類似嘅問題時，竟然出現類似內循環，不斷Ref返自己之前嘅資料去回答問題，令到啲答案來來去去都差唔多，如果你盡用返啲資料去做報工嘢，咁就死得啦！
.
好，今日呢個真人實測就做到呢度😉如果你都鍾意睇呢啲幫助搵工嘅新資訊，就記得Follow @hkcareers，等我哋繼續為你提供更多大學生必知求職更新！
#hkcareers #achievewithus #hku #cuhk #hkust #cityu #hkbu #polyu #dse2022 #dse2023 #hongkong #AI #chatbots #chatgpt
Comments