.png)
8個大學生入銀行必學Compliance Terms！
【想入銀行？呢啲Compliance概念你學識未？】如果同學有追開HKCareers💡，一定會記得我地多次提過，金融界自2008年金融危機後，喺Compliance同埋Risk Man方面嚴格咗好多！呢點唔止令佢地喺呢類Internal Control嘅部門請多咗人，就算喺前台做招聘時，都要求同學有一定嘅合規知識！原來Compliance嘅knowledge每年都有更新，今日我地就想為同學介紹8個，2024最新修訂版嘅入投行及銀行必識合規概念！無論你喺想殺入前中後台，都一定要Save低呢個Post，去溫熟呢6個Terms啦☺️！
.
📍點解你要識呢啲Compliance Terms？
1️⃣面試必問：好多投行及銀行嘅面試，無論喺前中後台，都會問合規相關嘅面試題目，例如喺問監管機構有咩Regulations，呢啲規條會點樣影響到該銀行部門等！
.
2️⃣加入CV嘅Keywords：好多同學會問，有無咩字眼喺我應該放入CV嘅？而如果你之前嘅實習有接觸到呢類工作或規條，其實亦好應該加入喺CV之上！咁會令你嘅工作經驗睇落去實在好多！
.
📍8個大學生入銀行必學嘅Compliance Terms！
1️⃣Basel IV (新巴塞爾資本協定)
❇️Basel IV係代表呢個協定已經係第四個版本，岩岩係一月初呈上立法會，主要實施《Basel IV》改革最終階段嘅規定，希望加強資本框架喺銀行資本計算方面嘅穩健程度、風險敏感度同一致性，而且進一步提升銀行對可能的金融衝擊與連鎖影響的抗禦能力。
.
其中嘅三大原則係：
⭕️最低資本要求：規管銀行嘅資本喺不同層面上維持喺一定嘅水平以應乎客戶債務違約嘅可能
⭕️監察審理程序：確保銀行有足夠嘅資本去保障自身遇到的風險
⭕️市場自律：確保銀行充分了解佢哋喺上述兩點擔任的角色並有付諸實行
.
2️⃣Dodd-Frank法案
❇️全名係多德弗蘭克改革和消費者保護法案。呢條法例係喺2010年7月21號通過嘅美國聯邦法律🤔係當時嘅總統奧巴馬針對金融監管體系改革，而提出呢一項全面改革美國金融監管體系嘅建議，例如對監管機構作出改革，增加對衍生產品的透明度同增強對投資者嘅保障
.
3️⃣Volcker Rules (沃爾克法則)
❇️當年奧巴馬採納左82歲金融老將沃爾克建議而命名，呢個法則對美國銀行業作出咗好大改革！法則有三大重點：
⭕️禁止銀行從事自營交易：呢個交易係銀行用自身資本喺市場買賣，而唔係作為中介機構代表客戶執行交易，2008年就係因為咁樣造成嚴重嘅市場風險！
⭕️限制銀行規模：法案要求銀行喺儲蓄存款市場上嘅所占份額唔可以超過10%，目的係限制銀行過度舉債進行投資嘅能力
⭕️禁止銀行擁有對私募基金及對沖基金嘅投資：咁樣就可以分清楚銀行傳統借貸業務及對沖私募基金呢一種高風險投資活動嘅界線，亦都可以確保銀行唔可以從事同自己利潤有關而同服務客戶無關嘅自營交易業務！
.
4️⃣IFRS (International Financial Reporting Standards)
❇️中文係國際財務報告準則，目的係令世界各地嘅公司可以互相比較財務訊息嘅財務會計準則。有一點值得留意嘅係：美國係唔洗遵守IFRS㗎！因為美國係用一般公認會計原則(US GAAP)，同IFRS喺核算方法上好唔同！
.
5️⃣MiFID II and III (Markets in Financial Instruments Directive)
❇️中文係歐盟新金融市場工具指令，目的係為左改善歐盟金融市場之運作與加強投資人嘅保護，亦由於金融市場全球化嘅因素，令新指令嘅影響非僅局限於歐盟，更可能間接擴及至亞太地區，所以同學要好好留意！
.
6️⃣Crypto Regulations
❇️最廣為人知嘅加密資產應該係「比特幣」，而現時金融科技好積極開啟數位革命的創新時代，因此自從2023年開始不論美國、歐盟定香港都開始制定 Crypto 相關嘅法律。
.
7️⃣AML (Anti-Money Laundering)
❇️首先洗錢嘅意思係將贓款轉為合法資金嘅不法途徑，分為Layering,、Integration 同Placement三個步驟。各地政府對銀行喺呢三個步驟做嘅監管有詳盡嘅守則。例如見到可疑交易要同銀行內部提出SAR(Suspicious Activity Report)同埋處理擁有大額現金嘅客戶時要份外小心等 ，而各地政府對監管不足嘅銀行都罰好多錢，例如近期有CS同 DB俾美國政府罰款🤦🏻♀️幾年前嘅HSBC仲差啲喪失美金牌照! 所以啲銀行為免罰款所以都會喺AML上落足力！
.
8️⃣KYC (Know Your Customer)
❇️基本上KYC就係AML其中一個重要concept,顧名思義就係起個客底，確保銀行唔會接收到贓款! 銀行喺KYC上需要了解整個轉入資金來源，由整體上嘅收入來源到每一筆資金嘅寄款人及原因都要了解得清清楚楚! 喺私行上，如果客戶係依賴某個富豪嘅財富生活，即使個富豪唔會成為銀行嘅客戶，我地都要了解個富豪嘅收入來源。而公司客戶嘅話如果有多層架構，我地都要了解翻最終擁有人嘅資料。所以KYC對銀行每個部門都好重要㗎！
.
無論你係已經收到Offer，準備返工，定係仲準備緊面試，呢啲Compliance terms都一樣咁重要！仲唔快啲Save低個Post佢！
.
最後，如果你想掌握所有銀行入門嘅知識同概念，就一定要Follow #HKCareers ，等我地為你分享更多✅大學生必知嘅Intern／Grad Job求職資訊，及✅搵工面試最實用嘅貼士☺️！
.
Comments