top of page

5大中環特色Cafe｜去邊度coffee chat最好？


【啱曬你約iBanker做Coffee Chat ｜5️⃣大必去嘅中環特色Cafe！】Coffee Chat喺其中一個做Networking最快最有效嘅方法，但要做Coffee Chat之前，首先要搵到一間好嘅Cafe！揀餐廳可以反映你嘅氣質，絕對唔可以輕視，今次IBankCoaching就喺芸芌cafe當中，精心挑選咗5️⃣間充滿個人風味嘅cafe，一次過話你聽每間Cafe嘅特色，咁就可以滿足同學種種要求！到底邊間cafe✅最快靚正？✅性價比最高？✅食物選擇最多？✅Coffee Chat之選？Share埋個post俾你同樣將會開始實習嘅朋友，再一齊睇落去！

.

1️⃣【快靚正之選】Dalloyau

❇️Cafe 來自法國品牌，提供法式甜點及咖啡，當中以馬卡龍最為人熟悉，絕對有質素保證。店內裝修風格精緻，環境chill得嚟又坐得舒服

❇️Cafe仲擁有最佳地理位置，正正坐立於IFC商場內。要知道投行工作時間長，節奏急促；就算要coffee chat，最緊要係「快」，所以如果同學要用最短嘅時間約同事進行coffee chat，要地點優越方便，呢間Cafe就最適合𣎴過😌

.

地址：中環金融街8號國際金融中心商場2樓2028號舖

營業時間:一至五 08:00-21:00 /周末 10:30-21:00

.

2️⃣ 【高質之選】Vivi Cafe-Vive Cake Boutique

❇️Cafe走高質路線，麻糬戚風蛋糕及牛舌Sando人氣甚高；特色係有鹹食料理及不同主食，適合同學相約同事享用午餐、下午茶或者晚餐。Cafe分設兩個用餐區，空間又大又光猛，而且Cafe 主打糖果色系少女風路線，精緻雲狀嘅弧線帶出和諧活潑感覺😍影相打卡一流，對食物及環境要求好高嘅同學不妨一試！

.

地址：中環歌賦街12號地舖

營業時間：星期一至日10:00-19:00

.

4️⃣【性價比之選]】Zenon Café

❇️Café提供All day breakfast、三文治、沙律，主要以意式咖啡及美式輕食為主。食材新鮮並以健康清新方式烹調，All day breakfast 有British breakfast等豐富選擇，而且價錢實惠親民，性價比真係超高！環境方面，café 裝修風格以懷舊理髮室為主，環境優美而有情調，自然同事都會覺得你個人好有格調！

.

地址：中環威靈頓街86號地舖 營業時間：星期一至日 09:30-21:30

.

4️⃣【OT 放工之選】MONO Lab ❇️Menu提供多種咖啡、輕食、蛋糕，選擇豐富多元化，其中以手作貝果比較出名。外觀以極簡工業風外及木製傢俬為主，設有露台室外座，環境舒服私隱度高。Cafe營業時間長至深夜，啱哂約同事一齊Happy Hour，一邊食嘢，一邊chill住傾偈。

.

地址：中環荷里活道31-33號7樓手作 營業時間：星期一至日 10:00 - 17:30、18:00 - 02:00 . 5️⃣【Happy Hour之選】In Depth ❇️In Depth提供高質手沖咖啡及甜點，亦係少數提供特色雞尾酒既cafe。主打多感官享受, 由於cafe沒有提供主食選擇，比較適合同學食下午茶或夜晚飲杯酒。Cafe裝修以深灰及黑色為主調，輕工業風水泥墻配上柔和燈光襯托，充滿空間感嘅同時，環境時髦寧靜，亦設有露台區域，最適合約同事放工之後飲杯cocktail，可以暫時放低工作煩惱，好好享受〜 . 地址：中環威靈頓街52號Somptueux Central3樓

營業時間：每日12:00-00:00

.

當然，同學去之前最好先Google (或者去官網/IG) 留意最新營業時間，以上資料只供參考。

.

如果你對呢類型content有興趣，咁就第一時間share個post比你朋友！同埋記得比個❤️，過到200個likes嘅話，小編就出另一篇文講中環5間高質酒吧，方便你同同事星期五收工去Happy Hour啦😇有❤️先有動力寫落去㗎嘛！

.


Comments

Categories
Recent Posts
bottom of page