top of page

4大投行MD出入嘅高級會所


【呢啲高級會所有錢都入唔到？】相信同學平時放工最多都係同同事去酒吧飲吓酒，傾吓計。你有冇諗過，同一時間，Managing Director (MD)放工會去邊度玩？做得MD，代表喺公司有返咁上下知名度，去玩嘅地方都有一定私隱度先襯得上身份。呢啲地方唔係有錢就入到，唔只要會員介紹，仲要交埋reference letter先可以🙈可以話，入到呢啲clubs絕對係身分嘅象徵，到底呢啲clubs有咩咁特別？你都想成為下一個入到呢啲club嘅同學？即刻俾個❤️睇埋落去啦！

.

【到底有邊啲Club？每間又有啲咩唔同？】

呢啲咁難先入到去嘅Club，每一間都有佢哋各自嘅特點，就算要俾錢都大把MD爭住入，以下幾間就係其中比較出名嘅clubs：

.

1️⃣The Hong Kong Club

✳️呢間歷史悠久嘅Club喺1846年已經成立，裏面嘅會員包括政府官員同埋大型貿易公司嘅負責人。而家有大約1550位常駐會員，而會員只係可以憑邀請同埋投票入會。

.

✳️佢比較特別嘅一個特點就係除咗餐廳、酒吧之外，Club仲有一個運動中心同埋圖書館供會員享用。而圖書館內亦有過萬本書，包括CD同埋DVD。除此以外，佢哋仲要求會員有特別嘅dress code去配合返佢哋Club嘅環境，唔同房亦都有唔同嘅dress code，例如喺Beling Ailey Bar and The Café會要求男士唔可以有任何頭飾（除咗因為宗教或者醫療原因以外）。

.

2️⃣Hong Kong Country Club

✳️呢間Club成立嘅起因係因為佢哋嘅發起人Mr. J.R. Jones，想改變香港喺二戰至到20世紀中期俱樂部會員限制特定種族群體嘅背景，希望可以創造一個家庭俱樂部，使各國籍和種族的居民都可以喺社交中自由交往。而佢哋一路堅持嘅呢個價值觀令佢哋至今依然具有真正嘅國際性特點。

.

✳️而佢哋嘅membership都分好多種，其中佔最多人嘅Ordinary Membership入會費都需要$650,000，亦需要每員作為推薦人先可以加入。而當中最貴嘅就係Corporate Nominee Membership，入場費需要足足500萬!

.

3️⃣The Hong Kong Bankers Club

✳️Bankers Club成立於1977年，佢哋秉承住成為高級主管同埋全球行業領袖聚會嘅溫馨和諧之家嘅傳統，為滿足會員喺商務、社交和私人用餐方面嘅獨特需求。而佢哋嘅會員亦都分四種：Corporate Debenture Holder，Individual Membership，Associate Corporate Membership，Associate Individual Membership。

.

佢哋其中一間餐廳—The Dragon，亦注重中餐體驗。喺菜單方面呈現咗廣東地區口味嘅廣泛選擇，包括自製嘅中國燒烤同點心。當中採用酒紅色調嘅設計去展現出奢華感，亦有各種原始中國工藝品和雕塑作品作為背景。

.

4️⃣Hong Kong Jockey Club, The Racing Club

✳️The Racing Club係作為Hong Kong Jockey Club嘅特殊會員類別引入，亦將賽馬作為年輕精英會員終極生活方式的一部份進行推廣。會員可以通過體驗擁有馬匹嘅樂趣，並參與為會員設計嘅一系列獨特嘅賽馬同生活方式計劃。可能好多MD放工之後都會視為樂趣！成為佢哋嘅會員入會費當然價值不菲，一般入會費都要148,000港元，而30歲以下嘅申請人就可以享受99,000港元的特別入會費。

.

雖然同學呢一刻未必夠資格成為俱樂部嘅會員，但係只要同學俾心機，你都可以成為下一個經常出入俱樂部、同不同嘅MD打交道嘅人！想知道更加多有關投行有趣嘅資訊，就記得follow @ibankcoaching！

.


Comentários

Categories
Recent Posts
bottom of page