.png)
4個入S&T、PB、AM無可能唔識嘅詞彙
【想入S&T/PB/AM？呢啲Terms你學識未？】有留意IBankCoaching就知道Point72及Blackstone新年前已經率先開咗2025 application（上年4月先開），咁即係話，同學都最好提早為下個Recruitment Season開始準備，特別係不同投行前台都必識嘅Technical Knowledge！今日IBankCoaching就整合咗4️⃣大入S&T、AM同PB必學嘅詞彙，為免睇完就唔記得，save低個post再睇落去！☺️
.
【點解報S&T/PB/AM都要識呢啲詞彙？】
▶️S&T/PB/AM嘅工作內容非常相關：
好多剛剛開始報工嘅同學未必知道，原來GM S&T、PB同AM喺工作內容同Tech知識係互通嘅！
❇️喺投行世界裏面，S&T係sell-side、而PB同AM就係buy-side。所以PB/AM就好似S&T嘅客仔咁🤪但當然PB同AM會有2️⃣大分別：
⭕客戶對象：PB主要服務UHNW（有錢嘅個人客戶）；AM服務機構性嘅投資客戶
⭕投資策略：PB幫助有錢人透過投資嘅方法變得更加有錢；AM就係為咗幫客戶滿足將來資金需求/負債 (例如支付退休金) 而制定投資策略
❇️不過就算PB/AM有唔同嘅工作性質，但最終目的都一樣，就係幫客戶建立portfolio。所以對同學嚟講，就算你淨係報咗一個部門，都一定要識齊S&T/PB/AM用到嘅詞彙！
.
📍4️⃣個大學生入S&T/PB/AM必學詞彙！
1️⃣Assets Under Management (資產管理規模)
⭕️AUM係指由Mutual Fund (互惠基金)、Hedge Fund(對冲基金)同埋Private Bank (私人銀行)等所管理嘅資產總值
⭕️幾時出現：AUM主要用嚟衡量基金管理公司、投資銀行或者金融控股公司資產管理業務嘅規模。個AUM越大代表間銀行/公司嘅行業地位越强。AUM嘅變動會受到資產價格變動、客戶資金增減、滙率變動等嘅影響，一般嚟講AUM增加表示基金旗下資產市值增值或者有客戶資金流入。所以，客户投資嘅資金變動對於量度AUM就好重要喇！
.
2️⃣High net worth individuals (高淨值客户)
⭕️HNWI一般指個人擁有可供投資資產(唔包括住宅、車輛等非流動資產)超過100萬美元嘅人。喺香港被定義為HNWI 嘅客戶擁有100萬至3000萬美元不等。超過呢個數就會叫佢哋做 ultra high net worth individuals (UHNWI) 。而家全球有1540萬嘅HNWI 同埋51萬嘅UHNWI客戶。 差唔多一半嘅UHNWI嚟自美國，而香港曾經喺17年成為最多UHNWI嘅城市(10,100人)，不過之後嗰年就俾紐約爬翻頭！
⭕️幾時出現：HNWI / UHNWI呢類詞彙對於俾我地評定一間銀行嘅PB勁唔勁亦好重要。點解BB Banks嘅PB會比細行勁？就係因為佢地嘅開戶資格要求高好多！唔係UHNWI都好難做到佢地嘅客！呢點對想做PB或AM嘅同學來說好重要，因為Serve嘅客戶愈有錢，Exposure同Bonus一定會愈大！以下係一啲數據俾同學參考：
▶️UBS、JPM或者 GS 等大行因為入場門檻高，一直被視為最高級嘅PB！好似UBS咁，寫就寫話只要有十球美金（大約八千萬港幣）就可以開戶，但實際上UBS已經好少收新客，即使你有八千萬港幣，如果無現有客戶或內部轉介都幾難喺UBS開到戶口。除左以上幾間外，Citi嘅PB亦好出名
▶️喺匯豐、星展或渣打等外資行嘅PB開戶大約要三、四千萬港元
▶️中資行嘅PB入場門檻會再低啲，手持大約一千萬港元就可以入場
.
3️⃣Net Asset Value(資產淨值)
⭕️NAV係將一間公司嘅總資產數額減去總負債
⭕️幾時出現：就基金而言，資產淨值代表基金嘅實際價值，NAV通常是以每一份股票嘅單位計算，例如A公司嘅每股嘅NAV喺一蚊美金，咁每股就可以分到一蚊嘅的資產。條式係 NAV/普通股數目。理論上當公司賣曬資產同還清負債之後，淨翻嘅就係比股東攞得翻嘅。由於上市公司嘅股票可以自由買賣，佢嘅股價可以高或低過每股嘅NAV。如果股價低過NAV，股票就抵買，高過就唔抵買啦。不過，喺實際應用時我哋仲要考慮埋間公司嘅盈利前景啦🤪
.
4️⃣Derivatives (衍生工具)
衍生工具嘅意思係根據任何asset classes嘅價格走勢而定嘅合約，我地通常會用衍生工具嚟做風險管理，又或者用嚟投機，佢嘅價值會因為佢嘅標的市場價格及行使價而浮動。好多投資者都會利用衍生工具黎加多槓桿，而增加回報，當然風險都會大大增加！
.
最後，如果你想掌握所投行入門嘅知識同概念，就一定要Follow #IBankCoaching ，等我地為你分享更多✅大學生投行必知嘅Intern／Grad Job求職資訊，及✅搵工面試最實用嘅貼士☺️！
.
Comments