top of page

2024年福布斯｜香港50大富豪排名Xxx行業最多大佬上榜？


【除咗金融業，邊啲行業大佬搵得最多錢？】福布斯係年頭就公佈咗2024年香港50大富豪榜，雖然話好多同學報工會揀咨詢公司/投行/銀行，但係香港真正有錢嘅大佬，究竟係做緊咩行業？原來50大富豪入面，有20個（或其家族）都係從事XXX行業？！（可能唔使我哋多講，同學都估到係邊個行業😂咪又係嗰個~）今日篇文，我哋就一齊睇睇係2024年，香港最有錢嘅50個人或家族係咩，仲唔快啲俾個♥️再睇落去？

.

▶️2024年福布斯｜香港50大富豪榜

首先，Follow❣️ @HKCareers，就可以睇到福布斯嘅香港50大富豪排名。

.

▶️邊個行業最多大佬上榜？

無錯，相信唔使點賣關子，聰明嘅同學都會估到，香港最有錢嘅家族/富豪，都係來自Real estates！

.

50大富豪入面，有20位人士/家族都係從事地產業！所以話香港地產商嘅吸金能力真係唔係浪得虛名，唔只係咁，除咗集中去做地產業嘅家族外，富豪榜上仲有3位大佬/家族嘅業務被歸類為：「Diversified」，分別係：

✅排名第一：永遠都咁有錢嘅誠哥李嘉誠

✅排名第三：掌有周大福珠寶同新世界嘅鄭家純博士及家族

✅排名第三十四：奇士域家族 (Keswick family)，持有Jardine Matheson Holdings股份，係香港最歷史悠久嘅Conglomerates，涉足行業包括房地產、酒店、零售、汽車等

.

有無留意，呢啲涉足嘅業務範圍咁廣嘅家族/富豪，都一定有做地產業（甚至由此起家），誇張啲去講，香港50大富豪入面，有近一半都係做地產業，遠遠拋離其他行業！

.

▶️香港另外27大富豪做咩行業起家？

咁除咗「Real estates」或「Diversified」，另外嘅27大富豪來自嘅行業都叫頗為平均：

✅Fashion & Retail: 佔5名

其中有曾經風摩一時嘅思捷環球嘅前主席兼CEO邢李㷧，排名第三十六；亦唔少得DFS創辦人麥禮賢，排名第四十四

.

✅Logistics ：佔5名

其中有曾擁有東方海外、仲做過前行政長官嘅董建華及其家族，排名第十五；送貨一定會用到嘅Lalamove 嘅創辦人周勝馥原來都有份！排名第四十一

.

✅Manufacturing：佔5名

唔少得從事電動工具產品業務嘅創科實業之創辦人Horst Julius Pudwill ，排名第十六；從事電子產品業務嘅偉易達嘅主席兼CEO亦有份，排名第四十九

.

✅Energy： 佔3名

當然有中電嘅大股東米高·大衛·嘉道理，排名第十三，而排名第二十六Ronald McAulay正係嘉道理嘅妹夫，亦同為中電股東！

.

✅Finance & Investments: 佔3名

原來50大富豪入面金融及投資業嘅大佬只係佔3名！包括：殷拓亞洲集團主席莊佳誠（排名第十二）、拓維集團創辦人之一Harindarpal Banga（排名第二十八）及維港投資管理人之一周凱旋

.

✅Gambling & Casinos：佔2名

有嘉華集團主席呂志和，排名第七，佢旗下業務有喺澳門開設賭場嘅銀河娛樂；另外就係信德集團CEO兼執行董事何超瓊！

.

✅Technology: 佔2名

唔少得阿里巴巴共同創辦人之一蔡崇信，係繼馬雲之後嘅阿里巴巴第二大股東，排名第九；另一位就緊係騰訊CEO 劉熾平，排名第四十三

.

✅Food & Beverage：佔1名

就係去到外國都會買到嘅李錦記嘅李氏家族！排名第四，所以千祈唔好睇少FMCG快消呢個行業！

.

✅Telecom: 佔1名

自然就係香港電訊嘅「小小超」李澤楷啦！排名第十九

.

相信好多同學嘅口頭禪都係要發達，唔知睇完呢啲富豪來自嘅行業又會唔會俾到啲啓發你😂如果下次再有Interviewers問你：「Where do you see yourself in 5/10/30 years?」或者你都可以好有自信咁答佢一句：「我預見自己30年後，會出現係2054年嘅福布斯富豪榜上。」

.

好啦各位未來富豪我哋下次再講。睇完個Post當然要記得Follow❣️ @HKCareers，等我地繼續為你提供✅大學生必知嘅Intern／Grad Job求職資訊，✅及搵工面試最實用嘅貼士！💡




Comentarios

Categories
Recent Posts
bottom of page