.png)
2024年度回顧！今年被問得最多嘅3類Market Trends問題！
【10間行有7間問咗⋯⋯】嚟到年尾，又係做年度回顧嘅時候。而HKCareers最想同各位同學做嘅年度總結，就一定係同面試有關啦。原來係2024年嘅投行/銀行嘅面試入面，10間有7間都問咗呢3類Market Trends問題！想知係咩？就快啲Save低再繼續睇落去！
.
【2024年度回顧 ｜你係2025年1月及2月面試必須準備嘅面試hot topics：】
🎯 AI/科技干擾對不同行業（如企業銀行、風險管理、財富管理、房地產等）嘅影響：
如「AI點樣影響Compliance嘅發展？」「科技點樣幫助Wealth Management Team？」等題目不斷出現。喺同學準備答案時，建議至少要包括一個具體例子，說明AI或新技術最近係如何被利用，然後討論該公司喺嗰方面嘅機會及風險，嘗試將其與公司可以擴展或改善嘅任何產品或服務領域聯繫起來！
.
🎯 Donald Trump贏得美國總統選舉對市場及投資決策嘅影響：喺你嘅答案裏，可以嘗試包括一啲新聞要點、分析及投資建議，顯示你對市場嘅敏銳洞察。例如：金、能源及小型股等關鍵行業經歷咗顯著增長，而VIX指數（市場波動性指標）則大幅下跌。然而，考慮到特朗普強硬嘅立場，市場亦存在潛在貿易政策及關稅帶來嘅擔憂，咁樣會造成長期經濟不確定性。
.
🎯 利率下調對金融市場嘅影響：有關Interest rates最誇張嘅問題，就一定喺有某大型投行面試期間，直接分發一篇有關interest rate下調嘅文章俾Candidates，然後問佢哋認為呢篇新聞係咩時候發布🙈以呢種方式去測試同學係咪真係密切留意時事新聞。由此可見，投行/銀行對同學market knowledge嘅要求真係越嚟越高。而如果同學想令自己嘅答案更全面，亦記得要準備定Interest rates對行業層面、公司層面以及消費者/客戶層面嘅影響，以及銀行應注意嘅機會及風險。
.
總括而言，同學喺準備面試嘅時候，可以用以上三大方作參考。同一時間，記得要留意最新市場趨勢。如果你想第一時間掌握最新報工資訊及面試貼士，咁就follow @HKCareers啦！
Comments