top of page

2024/25 大學生報投行/銀行工必知情報！



【想知下年邊到有Headcount？Save低篇文再睇落去！】隨住時間去到1月，聰明嘅同學一定知道，你係時候放長眼光；唔可以只係諗住你當下有咩Offer係手，而係要開始為2024/25 Recruitment Season做好準備。而所有嘅準備，都離唔開「Headcount」呢個字。要知道投行/銀行2024/25係邊個部門會有位（甚至可以加HC）去請你返去？【今日HKCareers💡唔只要話你知邊知部門有Headcount，仲要教埋你點樣預測Headcount走勢！】，想知：

✅點解HKCareers💡可以經常準確預測Job Market走勢？

✅你下個招聘季度點部署好？

繼續睇落去啦！

.

✅點樣準確預測Job Market走勢？

要知邊度有Headcount，當然要睇吓來年嘅Market走向，邊到有生意做，咪邊到有HC囉。雖然好多人話，香港市況唔好，但係金融業（特別係投行）睇嘅，往往都係環球經濟。香港經濟表現未如理想，唔代表全個世界都係。除咗不斷好似咒怨輪迴咁講住「Market差」外，你最重要嘅，係學識點樣Identify仲有嘅機會，無論係為你自己去報工、預估你未來返工間銀行嘅發展方向，或為你未來嘅客戶去尋找投資機遇都一樣。咁無論Market點變，潮水點退，你都可以成為永遠著住泳褲嘅一個！

.

✅你下個招聘季度點部署好？

而係2024第一季，最需要重點留意嘅，就一定係「美國減息對你搵工有咩影響？」。今日HKCareers就會以此為例，係預測2024/25 Headcount嘅同時，教埋你點樣自己去做分析：

.

1️⃣ 睇咁重點先：2024整體Headcount有望回升

自去年底起，歐美銀行危機頻現，美聯儲宣布暫停加息，並首次討論減息可能，市場從而普遍認為市場即將進入減息週期，呢點應該所有同學都已經有概念（仲未有就記得要返去睇Market news！）呢個消息將刺激環球經濟且帶動消費，亦鼓勵投資者將現金儲備進行投資，有助大小生意，包括金融、地產、FMCG等行業以較低息口借貸，發展同推動業務。既然公司財務壓力紓緩咗，請人當然都會寬鬆啲。所以整體而言，HKCareers相信來年job market會比今年表現得好，整體Headcount有望回升！

.

2️⃣點解減息會令到S&T、PB及AM（甚至Retail Bank）前景比較樂觀？

呢點嘅原因主要有兩個：

.

▶️減息可刺激Equity Market：減息可以吸引投資者將資金由定期/US Treasury Bonds等地方撥去股市或其他比較高回報率嘅投資選項，自然會對S&T、PB及AM業務有幫助＝HC有望回升！

.

▶️新興經濟（如中東及東南亞市場）興起/復甦＝更多投資機會

上文提及，投行S&T、PB同AM係一定唔會只Focus係香港金融市場或產品，除咗美國外，其實而家好多人講嘅新興經濟，如中東、東南亞市場、印度基金等，呢啲地方嘅經濟基礎其實做得相當唔錯，之前因為加息而發展受限，但只要一減息，佢哋嘅發展潛力就有望爆出嚟！同學要記住，S&T另一個名就係叫做Global Markets，即係話要睇曬要環球市場，你去分析S&T來年有無HC，自然都要睇埋環球投資市場嘅走勢！

3️⃣地區不明朗因素，令IBD、Corp Bank依然淡靜🍂

話雖如此，中國內地同香港經濟仍然充滿挑戰。先有內地根本性經濟問題，房地產危機未解決、外資撤走，再加上美國今年大選，不論特朗普與拜登邊個當選，對華政策亦未見好轉。一啲主要做本地市場嘅銀行部門，例如IBD或者Target中小企客戶嘅商業銀行都會受到影響

.

另一方面，中國政府近日頻頻出招，除咗派官員外訪，積極改善外國（特別係美國）邦交外，又發行一萬億國債，以圖挽留當地投資，振興經濟。儘管如此，外界普遍認為中國市場仍然存在唔少變數，令一啲依賴內地企業嘅行業前景比較唔樂觀。因此，來年想商業/企業銀行/IBD加返多啲HC，似乎依然唔太樂觀⋯

.

總結，2024/25嘅金融業有好有壞，但都好難差得過上年🙈，甚至有傳言今年啲銀行將會補返啲junior位，叫做係一個非常好嘅消息，相信最壞嘅時間已經過去🥺

.

以上就係同學去透過分析Market News，預計HC走勢嘅方法，你又想唔想HKCareers寫埋其他行業，好似係Property & Conglomerates、FMCG、Consulting等2024／25嘅HC Prediction？想就快啲俾個♥️, 多同學想睇小編就開筆寫啦！

.

Follow @hkcareers ，掌握大學生必知嘅報工資訊及面試貼士💡

.


コメント

Categories
Recent Posts
bottom of page