.png)
2021年你唔可以錯過嘅行業與公司！有關Information Services大學生要知嘅三件事！
嚟到九月尾，好多大公司都開始左招聘！不過除左我地經常介紹嘅投行銀行同諮詢業外，HKCareers都想為同學介紹更多發展唔錯，又學到野嘅行業。畢竟我地咁勤力出Post，就係想你把握係大學呢3-4年，盡力探索自己嘅Career Options！今日想為同學新介紹嘅就係信息服務Information Services - Knowledge on Demand，1️⃣想知呢行做啲咩？2️⃣有咩代表公司？3️⃣發展好嗎？岩唔岩你做？咁就一定要♥️完再睇落去啦😉！
.
1️⃣Information Services - Knowledge on Demand做啲咩？
唔同行業、公司或部門都會有專門嘅知識，包括技能、經驗、能力同專家洞悉 (expert insight)，而呢啲知識都係公司嘅重要資產！點樣利用同管理呢啲知識，係塑造同影響公司業務發展同決策嘅關鍵
.
Knowledge on Demand就係幫助客戶係擴展到新市場、適應市場衝擊或係緊迫嘅時間內執行高風險決策時，獲取佢地所需嘅知識，以做出明智嘅業務決策。睇到呢到，同學可能會問咁係咪姐係Consulting/ headhunting?
.
▶️Knowledge on Demand 同Consulting/ Headhunting嘅分別
Knowledge on Demand 同諮詢或獵頭有好大分別。係職能上，Knowledge on Demand 著重係將客戶同專家嘅聯繫，類似Linkedin嘅現實版，而獵頭就係幫一間公司去尋找適合嘅人材去出任一啲管理階層嘅職位。至於諮詢主要係為大公司提供管理同業務發展策略嘅諮詢服務。當佢地嘅客户需要一啲業務發展上特別嘅專業意見嘅時候，其實都會搵翻Knowledge on Demand公司例如AlphaSights去幫手聯繫相關方面嘅專家做諮詢
.
2️⃣Knowledge on Demand有咩代表公司？
講到代表公司，就一定要介紹下AlphaSights😉AlphaSights嘅客戶群好廣，例如 private equity、investment management、consultancies、corporations同NGO等都係佢地Client。所以作為AlphaSights嘅Client Service Associate，工作上需要同好多公司客戶去溝通，確保可以快速提供到服務，幫助Clients access到佢地係做決策時，所需要嘅Knowledge，包括去到新市場發展、如何適應市場變化，同係短時間內做出準確嘅決定！
.
▶️具體工作內容
舉個例子，同學就會明白Knowledge on Demand 嘅具體工作內容：例如有間Private Equity firm 提交左一份早期競標，要尋求監控領域嘅競爭性投資機會，並係 DevOps 市場獲得高額利潤。因此，佢地希望從測試、監控和部署方面獲取 DevOps 專家嘅深厚經驗同專業知識，從而了解完整有關周期同獲得DevOps專業知識，提高競爭優勢
.
AlphaSights就從數十間DevOps公司入面招募左100多名相關專業人士，將佢地引薦俾呢間PE firm，幫雙方set up會議同Calls作溝通，直至幫呢間PE firm搵到合適嘅experts，幫助佢地了解整個DevOps 市場，並贏得有關收購監控公司嘅競標💪🏽
.
3️⃣呢行發展同前景好嗎？岩唔岩你做？
由於Knowledge on Demand 嘅工作內容以Project-based為主, 工作節奏好快，講緊可能係幾個鐘內要完成單Deal，絕對可以快速地訓練到同學嘅時間及Project mgnt skills。工作過程好依賴你夠唔夠Self-motivated，溝通同理解能力係咪夠好，可以準確地理解到客戶嘅需要，從而為佢地搵到最適合嘅專家！
.
而呢啲特質同Soft Skills除左係AlphaSights有用外，其實亦係不同諮詢公司好睇重嘅！所以同學係AlphaSights工作完，出路選擇都好多，無論係入翻MBB、Bloomberg或其他項目管理職位都會有優勢! 而且，MBB或不同大企好多時都會同AlphaSights合作，所以你係工作過程中，就有機會更深入了解不同行業、公司或Project，令到你可以好快咁累積到不同行業知識，無論你之後想再轉去咩公司工作，都絕對有幫助！
.
講左咁耐，同學如果都對AlphaSights嘅工作內容有興趣，可以Click呢條Link，睇下佢地嘅Job Ad。而如果想 #HKCareers 分享更多殺入AlphaSights嘅獨家Tips，例如常見面試題目、鍾意請咩背景嘅同學或Headcount等，就一定要俾個♥️
Comentários