.png)
報工必備Checklist！ 10個搵工常犯錯誤，令你輸在起跑線
隨住愈來愈多同學收到各大投行、銀行同Conglomerates嘅Apt Test或Video Interviews時，亦有更多同學PM HKCareers問，點解自己收唔到，明明我份Profile俾隔雜位小明好好多咖，係咪我太遲報？係咪未出？係咪⋯⋯（下省一百字）HKCareers發現，好多時候同學收唔到Apt Test 或VI，往往唔係因為能力問題，而係因為犯左以下 10個報工常犯錯誤，一唔小心就會無左個面試同收Offer 機會！如果你唔想輸在起跑線，咁做每個Application時，都要返尼對下個Checklist啦：
.
⭕小心做Job Application：
好多時同學趕住報工，又報得太多份，快快手無咩耐性就填完份Application form。然後就發現，大件事，Tick錯野添！跟住又要花好多時間send email同HR解釋，又唔知HR會唔會理你🤷♀️
1️⃣同學必須要睇清楚Job Application上面問嘅問題，雖然而家用電話都好方便，但做網上報名時最好都係用電腦或大啲嘅Screen去做，無咁易睇錯
2️⃣特別留意經常有同學會錯係一啲用相反方式提問嘅問題，例如「你係香港返工係咪唔犯法？」，只要同學無睇清楚就好容易答錯，之後甚至唔明點解自己無收到下一round⋯⋯
3️⃣好多公司會寫明你可以報幾多個Division，請遵守規則，唔好報多，唔係被Reject就慘啦！
4️⃣你係咪真係做完左個Application？又有好多同學報工時會以為自己已經完成左Application，但原來佢唔記得左按「Submit」，又或者公司係你Submit後，仲有幾個Steps要你完成等等。好多公司係你完成左個Application後會Send電郵俾你確定（記得Check埋Trash Box！），大家可以留意下自己有無收到，如果無就可能係係未完成，記得入返System睇下！
.
⭕GPA點填好？
5️⃣cGPA係公司用尼快速做Screening嘅方法，好多Application會直接問你個GPA過唔過某一個水平，如果你填唔到，咁十大八九都會直接Screen out你。所以最直接嘅就當然係請同學努力讀書，唔好只係掛住報工就唔理GPA，唔係你連Show俾公司睇你能力經驗有幾強嘅機會都無！
6️⃣咁但係如果你cGPA真係未夠呢？其實有好多公司會俾你選擇填「Expected」或「Achieved」cGPA，咁就請你先揀左「Expected」，填左你預計自己GPA可以達到公司要求，因為大部分Background check都會係出左Offer之後先進行，而你係剩低嘅學期，請發盡力追返個GPA啦！
7️⃣關於cGPA與Highest GPA。雖然好多同學會係CV上寫自己嘅Highest GPA，但當報工系統要求你填Achieved cGPA時，就唔好偷雞啦，要寫返cGPA
8️⃣GPA或Pass/Fail Grade點揀好，首先其實並唔係每間公司都會仔細睇你每科成續，好多時只會睇cGPA，所以揀P/F都唔會有太大影響。其次就算公司真無Check得好清楚，由於上年好多同學都會揀P/F，所以你去做其實都唔會有大問題。不過HKCareers嘅建議係，唔好全份成績表都揀曬P/F，因為好容易令人誤會或聯想到你可能成年都無讀書；另外，如果你真係某幾科揀左P/F（可能真係因為爛Grade，又可能因為其他原因都好），你亦要諗定如果HR之後問你點解你個科唔寫Grade時，你要點答。就例如個科係咪因為Teaching mode嘅改變，評分方式有變，所以個Grade可能無之前咁公平，所以你就選擇左P/F等
.
⭕要唔要交Cover Letter？
9️⃣如果你真係好想做個份工，就請你一定要交埋CL，因為呢個係誠意問題。就算公司無要求你交，你都可以將佢同CV combine埋一份文件去Upload。 雖然CL未必夠CV咁重要，未必係initial screening就有人會睇，但如果去到final round時，你有而其他Candidate無，咁就好大分別啦！
.
⭕報完工無消息？
1️⃣0️⃣報完工好多同學只會留意Email，但HKCareers發現今年某啲大公司個System似乎唔一定會傳電郵通知你做Apt test 或Video In，所以你必須要自己登入返個系統到Check！如果唔係Miss左Deadline就唔好啦！
.
如果你睇完以上Checklist，覺得都係好簡單好易做到嘅事情咁就當然最好。不過魔鬼在細節，好多時同學犯錯都不在大事，在小事。所以請唔好掉以輕心，check清楚自己係咪做岩曬！無理由係CV寫自己Detail-minded，然後又錯係小事咖嘛！睇完記得俾個Like ❤️ 同Save低方便自己之後對返！
