top of page

給將在2021 畢業的你：作為一個Final Year或Master同學，要點樣好好把握最後一年時間，爭取一個最滿意嘅Offer？


過埋暑假又有好多同學會升Final Year，但由於今年Market唔好，多咗本身應該係2020年Grad嘅同學Defer做Placement或者係讀多嗰Master想Buy time，2021年嘅應屆畢業生將會明顯比往年多，然後亦因為今年Market唔好，下年各行各業嘅Headcount亦好可能會比往年少，所以2021年嘅Graduate Job Market競爭將會更加激烈。有見及此，HKCareers想係今日篇文提提將會係2021年Grad嘅你，1️⃣點樣把握大學最後一年時間，好好規劃、2️⃣做啲咩先可增加自己拎到好Offer嘅機會！如果你唔想白白浪費最後一年時間，到下年6月都仲好擔心自己幾時會收到Offer，咁就一定要Save低同Like今日篇文啦！

.

1️⃣點樣把握大學最後一年時間好好規劃，爭取好Offer：

🔺必報Winter Internship：對於Final Year或讀Master嘅同學尼講，20/21年度你地可以Build CV嘅最後機會一定係Winter Internship，所以請唔好浪費Winter嘅時間！銀行及金融業嘅Winter Internship一般尼講亦會係8-9開始招聘，同Recruitment Season差不多，所以大家報Grad Job嘅時候（特別係CV上唔夠多強Brand Name嘅同學）可以同時留意埋Winter Internship！

🔺多報一啲無Return Offer或Fast Track嘅工作：係報實習時我地一再強調同學要揀咗有Return Offer嘅工尼報先，好似投行Summer Analyst一定唔可以錯過！但係去到Final Year搵工時嗰策略就有少少唔同，你地反而要刻意報多啲無return offer嘅公司，因為公司無留return位, 即係大家都可以一齊爭headcount，唔好話因為你無return就完結無機。提多句，係各行業入面，Property & Conglomerates係唯一完全無return offer嘅😉

🔺就算有Return Offer都唔好太老定：好多同學將會開始2020嘅Summer Internship啦，雖然希望大家努力拎個Return offer，但係亦請唔好因為覺得自己實有return offer 就放軟手腳！一來Market唔好，嘗試拎多一兩個Offer係手可以保障自己，二來不同公司出return offer嘅時間可以好唔同，有部分銀行甚至會去到10月左右先出，但招聘旺季係8-9月開始，如果你10月先確定自己無return，先重新開始報工，咁就有少少蝕咗時間，亦會打亂咗部署

.

2️⃣做啲咩先可增加自己拎到好Offer嘅機會？

🔺多報工，別偷懶：Screening Process有咁多關，大家睇咗HKCareers咁耐應該都數得出（噢如果你仲未Follow我地就快手做啦），如果你報工有十間公司可以去到Final Round已經好叻，而最直接可以增加收到面試嘅機會，就係多報幾份！報前唔好咁揀擇，有咩事收到Offer再決定要唔要！

🔺把所有準備功夫預先做好：雖然話招聘旺季係8-9月開始，但你又同時要準備開學，如果你到時先開始執CV、搵Apt Test Database練、同預備面試及AC，你將會好忙好忙，直接影響你報工嘅份數同面試表現，而呢啲野其實全部可以預先準備好，所以係呀，而家要做定啦

🔺係時候留意下自己嗰信貸評級：如果你係想入投行同銀行等金融機構做，你嘅信貸評級一定要夠好，如果唔係會過唔到Background check！而提升同改善信貸評級係需要時間！希望睇到呢嗰位嘅同學，即刻回想下你有無爭卡數或爭銀行或財務公司錢，有請立刻處理好啲數，唔好俾佢拉低信貸評級

🔺維持cGPA3.2+：你唔會想像到係辛辛苦苦搵咗咁耐工，終於收到一間大行Offer後，竟然因為自己GPA唔夠高而被收返Offer嗰種痛。不嫌其煩再提，Keep住cGPA係3.2+，唔好俾自己嘅努力付之流水

.

雖然HKCareers好似係上面列咗好多任務，要你趕住係Final Year完成，壓力好似好大咁，但係我地亦想提醒同學最後多一點：請好好享受大學生涯最後一年👩‍🎓👨‍🎓，係努力搵工，為未來奮鬥之餘，唔好忘記一世人只有一次讀大學嘅機會。HKCareers可以提供你一切需要嘅求職Support and advice（Click this Link了解我地嘅Career Coaching Program)，但我地唔可以代你過U Life，請多和同學見面傾計，多享受U Life，多思考，多用學生優惠😛，努力報工拎offer都唔好忘記，要讓自己成為一個充實而快樂嘅人☺️！加油💪🏼

Categories
Recent Posts
bottom of page