top of page

Offer難求？教你4招保住到手嘅Internship / Grad Job Offer！


係今年Market咁唔好嘅情況，好開心依然有唔少同學成功拎到Internship / Placement / Grad Job Offer🥺👏🏼 但就算收到Offer，依然有唔少同學未安心，特別係睇到HSBC 雖然會叫停重組計劃，但都會停止請人嘅新聞時，好多同學都好驚個Offer會被收返😵！確實即使收到Offer，係簽約之前仲有好多細節要留意！係今篇文入面HKCareers就想教大家保住Offer好重要嘅四招，唔想失去辛苦爭取返尼嘅Offer？咁就唔好錯過呢篇文啦！

.

‼️公司會因為Market唔好收返Offer嗎？

其實之前確實有聽過某細外資行係出MT Offer後，因為Market唔好而收返offer，但對於大銀行大公司如HSBC、Citi 或Hang Seng等相信都唔會咁做，因為咁對Brand name確實係好負面嘅影響，所以之前收到Offer嘅同學目前都唔使自己嚇自己住，反而係仲未收到Offer，等緊消息嘅同學要加把勁啦！

.

‼️收到Offer之後又咩要注意？

📍請確保你嘅cGPA保持到3.2 (甚至最好係3.3或以上）：好多時候公司出嘅Offer都係Conditional Offer，其中一個要求就係你必須要成功畢到業，並且Keep到一定嘅GPA！如果唔係個Offer就會取消，我地之前確實有見過同學因為GPA追唔到而無左個Offer，所以請大家小心睇清楚你嘅offer 上面要求嘅cGPA係幾多，顧好成績！

.

📍你準備好Background Check未？

好多大銀行或公司係出左Offer 之後，都會委托出面嘅公司對你地做一個背景調查，調查包括1️⃣學術紀錄（Academic Records）、2️⃣犯罪紀錄（Criminal Records）、3️⃣就職紀錄（Employment Records）及4️⃣環聯信貸報告紀錄（TransUnion Report），之前HKCareers亦出過一篇長文去講Background Check, 未睇嘅同學可以去搵返尼睇（HKCareers會Share返出去Story方便你😛），不嫌其煩提多次，請同學記得唔好欠交卡數，唔好因為一時唔小心就整壞左自己個信貸紀錄🙏🏼信貸紀錄唔好，會影響你做銀行工嘅機會！

.

📍收多過一個Offer？決定唔到要邊個？

亦有唔少同學好叻咁拎到多於一個Offer，但係而家仲心大心細諗緊揀邊個好。以前我地一般會提同學，唔好只係睇起薪點，份工嘅Prospect同exposure亦同樣重要，某程度上比起薪點更緊要，而係目前嘅市況下，公司夠唔夠穩健，如果經濟衰退能唔能夠捱得過亦同樣重要，所以同學可以花少少時間做下研究先，而如果可以都請盡早少少放返啲Offer出尼俾其他同學啦 🙂畢竟你Hold住太多Offer太耐先reject，俾公司嘅印象亦會唔好，如果你未來想轉工再去返呢啲公司都可能會受到影響。關於如何禮貌地向公司Reject Offer及面試邀請，可以睇返〈教你五招Reject Offers/Interview，等你唔好俾公司Blacklist！〉(知道啦，HKCareers又會Share返出去Story等你唔使搵🤪)

.

📍輕輕提提HR你的存在

講左咁多招，應該無一招比盡快簽好Contract來得穩妥，可以幫你secure offer！但有唔少同學收到嘅都係Verbal Offer，甚至只係HR打尼問你返工嘅Availability，連正式Offer Letter都未收到。如果係咁，同學可以Send個有禮貌嘅email 問下HR情況，提醒下佢你嘅存在！咁Send呢封email都有以下兩種情況：

1️⃣係收到Verbal Offer後可以立刻覆一個簡短嘅電郵俾Interviewer同HR，多謝佢地挑選你！同埋你好期待可以同佢地成為同事，請記得唔好寫太長同太浮誇，簡單表達謝意同你對公司嘅Passion就可以，亦可以令佢地放心，知道你會accept offer

2️⃣如果你已經收到Verbal Offer好耐（一個月或以上），之後無再收到任何消息，可以傳個極有禮貌嘅電郵俾HR，請問一下佢之後嘅安排係點，有無其他文件或資料係你需要補充嘅。記住唔好有任何責備或令HR覺得你追佢做野嘅語氣！唔好未返工就得罪人！

.

希望各位同學都可以既收到Offer，又保得住Offer，就算你嘅朋友未收到Offer，都記得Send篇文俾佢，話佢知你對佢有信心，相信佢好快就會搵到份好工！俾多啲支持佢！

.

最後唔好忘記俾個Like❤️#HKCareers

Categories
Recent Posts
bottom of page