大學生最想知嘅地產、Conglo及銀行面試更新！＋ 三招Online Group Discussion準備攻略

今年搵工確實有好多變數同不確定之處，令到好多同學都有啲無所適從同擔心，但好彩嘅係慢慢都有唔少公司開始返請人嘅程序，係今篇文入面你可以睇到地產、Conglo及銀行最新嘅面試更新同有咩Program新開，仲會學到做Online Group Discussion 時有咩要注意，等你可以順利過關，拎到Offer！

.

▶️各大公司Interview Updates！

🏗地產發展商Property Developer：

⭕Hang Lung：之前恒隆本來已經出左TEAMS Day嘅邀請，但因應疫情而要進行改期，到目前為止，就未再有消息⋯⋯

⭕SHKP：之前係1月尾至2月頭SHK 有做過一次MT AC，但之後就無再有更新；係Internship方面，Keep住有好少好少量同學收到Apt test，甚至係HR In嘅邀請，但真係非常少量，無好似之前咁樣一大批地出，一大批同學一齊收到！

⭕Sino: 係之前嘅Skype AC之後，目前亦未見有其他Updates🙈

.

🏢Conglomerates：

⭕Swire: 好消息係Swire有繼續請人！Grad Job 尼講，HKCareers見到2月中有同學做左Final In，而Internship就更係呢兩個星期出左 Assessment Center‼ 但同往年唔同嘅係，今年AC將會改為Online進行！

⭕Jardines:MT Program繼之前12月做完AC之後，大部分同學仲等緊消息，希望會盡快出Offer啦（又或者你如果有收到Offer，記得DM話俾我地知道！）；而Internship方面，除左Apt test，陸續有同學收到Video In啦！如果你之前都做左Apt test，記得睇緊啲有無收到電郵🙂！

.

🏦銀行：

⭕Citibank：係Grad Job方面，最新嘅消息係Corporate Banking係2月尾有進行Final In，同時亦開始有同學收到Offer！係Intern方面，正如之前分享過，Citi已經重新開始左Recruitment，係Global Consumer Banking方面已經有同學完成Final Round interview，開始收緊Offer，做左Final In嘅你一定要留意有無消息！

⭕BOC:第二間開始進行返recruitment 嘅係BOC，有同學收到AC Invitation（包括各個Division），但同Swire一樣會改為Online 進行！但internship方面仲係無消息⋯⋯比上年遲開左好多

⭕Hang Seng: MT方面一直有少量同學有Process，甚至係CMB及GB開始有同學收到Offer！但最緊要嘅係，係前呼萬喚之下，恒生終於開始Recruit實習生！真係等到大家都心驚膽跳，唔好等啦，未有Offer嘅同學快快去報啦📝！

.

▶️2020最新Recruitment Trend：各行各業各間大公司除左愈來愈多Video Interview外，仲開始出現左Online Case Discussion，好似Swire及BOC都有呢個安排！因此除左以上消息更新外，HKCareers今日仲想提醒下大家做Online Group Discussion時有咩要注意：

.

1️⃣同組Candidata搶野講點算好？係Online做Group Discussion時因為無左眼神接觸，所以疊聲講野或搶野講只會更嚴重，組員亦可能會變得更加Aggressive。面對呢個情況，大家請唔好怯，可以有風度地讓俾其他組員講先，但亦要有補充同參與。事實上，做Online Discussion時你嘅聲音同語調會比Onsite更緊要，當你說話清晰肯定，語速適中同流暢，直接啲講就係有番一定氣場（留意氣場不等於惡），咁同組人就無咁傾向會同你搶野講！

.

2️⃣收音及背景: 收音會直接影響到你嘅說話係咪被聽得清楚，當你收音得唔好時，組員唔知你講咩，Interviewer 亦可能無耐性去諗你講左咩，表現一定唔好，用Headphone來代替電話或電腦嘅收音會比較好；好多Video Conference 軟件如zoom 都會有Virtual Background，大家可以試下用，或最少做Interview時搵塊白牆做背景，通知家人你做緊咩，確保你有一個安靜同不被打擾嘅環境

.

3️⃣勤做Summary：Online Discussion比onsite 更容易Lose focus,大家可能聽唔清楚或有其他種種原因令到討論失焦或重重複複，所以請勤力少少做Summary，不單提示全組人個討論去到邊，亦可以幫助Interviewer睇到你嘅組織同領導能力。例如，如果onsite嘅討論每7-8分鐘做一次summary，online可能每5分鐘就要做個mini summary，帶領組員做一個有進展嘅討論！

.

HKCareers之前寫過另一篇文講Video Interview要注意嘅事項，小編會Share返去IG story俾同學參考。如果你有朋友有報以上唔同公司嘅MT或Internship，或將會做線上討論，記得Share篇文俾佢參考😉 #HKCareers #achievewithus #hkcareersInternship #hkcareersGradJob #hkcareers2020mar