我無Tech底就唔可以做Digital / Technology相關嘅工作？

之前HKCareers同大家分析左係目前嘅經濟同疫情下，有咩行業能夠逆市發展，提供更多Headcount去請你！其中一個就係同Digital 或 Technology 相關嘅工作！但如果你本身唔係讀data 、statistic或I.T. 出身，去報邊啲同Digital或 Technology相關嘅工作先可以逆市搵到份好工？我地一齊睇落去：

.

❌Digital不等於 Technology：

首先我哋搞番清楚呢個概念先，好多同學會以為做Digital就等於做Tech，但其實兩者係有分別。IT就係Information Technology啦，digitalization其實算係IT入面其中一個環節，但呢個係過去10年入面最重要嘅環節，因為全世界所有business都會將有親身face-to-face嘅service 、products或買賣嘅過程演變為線上進行，所謂嘅Digitalization，就係將以往offline嘅生意或運作流程變做線上進行！而e-commerce 就係其中一個好好嘅例子🤔呢個年代，其實無論你做緊邊行，都必須要做digital嘅工作，當中以同sales & marketing有關嘅行業最為明顯。

.

⭕️Non-IT底同學可以嘗試邊幾行？ 其實而家有好多公司都越來越開明，並唔覺得同學係讀邊科先至可以做邊一樣野，特別係有好多同學自己選修或者學咗Tech或programing，即使唔係讀IT都有機會入到。以下我哋就嚟分析下有邊啲公司或者行業可以試吓：

.

✅Consulting / Advisory:

⏺IBM：係IBM同Accenture呢兩間老牌子IT Consulting Firm入面，IBM一般傾向請tech底強嘅同學，如果你本身唔係讀IS或IT，咁都幾難入到

.

⏺Accenture：相反Accenture正常每年大概收10-20個同學，一般會有1/3同學屬於general BBA底。咁係因為Accenture本身有好多IT consulting project需要做pitching、project coordination及management等工作，需要用到BBA同學善做Pitching、商業分析、策略制訂、項目管理及同不同stakeholder溝通嘅能力。

.

⏺Big 4 Advisory：比較睇你做緊邊一個位，按HKCareers過去嘅經驗，Cybersecurity Risk、Technological Risk及Digital Consulting雖然都同IT有關，但唔係最Tech嘅同學都有機會入到嘅，簡單而言，呢類role嘅工作內容需要做多啲幫公司客去制訂商業策略、Advise點樣將業務或Marketing做digitalization等，好多時入到去會有相關嘅Technical訓練或叫你去自學簡單嘅Tech Knowlege，就算唔係讀IT都有機會入到。相反，Data Scientists、Information Management Analyst (IMA)、IT developer及Architect、Oracle Specialists等就會請IT人多，呢類職位BBA嘅同學就難入好多

.

⏺MBB：近幾年不斷招兵買馬去砌Digital Consulting Team，雖然MBB好少收Fresh Grad做Digital Team，但如果大家有上Linkedin Search到有啲人嘅背景唔係IT，而係Banking Background＋自學Programming Knowledge之後入到去，可以當係長期目標啦

.

✅Banking：你可以想像下係銀行做Project Manager、Operation等都唔需要太強嘅Tech Knowledge，一般自學Programming都可以處理到。另外，大家都知香港上年批左好多虛擬銀行（Virtual Banking）牌照，令到有唔少銀行都開始請人，肺炎嘅陰影對佢地嘅發展可能更有利，因為大家都需要網上交易嘛。而虛擬銀行入面亦需要大量人才做Project Management同Product Development，未必要求你識好勁嘅Programming。大家可以想像下，如果你係做保險或Mutual Fund嘅，本來你負責嘅campaign或策略會係分行實行，而家只不過係要將一切策略改為線上進行，咁大家年輕一代IT Sense都唔會太弱，只要轉下個Mindset，個啲UAT 呀、Strategic Planning呀一定唔會難到大家

.

✅其他行業:而家無論係做地產業定Conglomerates都會有好多Digital項目，例如若果你係做國泰，點樣完善訂機票嘅過程同系統等9成9嘅Project都係Digital嘅；地產業更有開Digital Intern嘅位，幫佢地處理同商場App有關嘅工作。而呢啲Project好多都係由年輕嘅80、90後管理層去領導，算係比較Dynamic嘅🙂

.

✅有咩Programming Languages可以學定？

既然大家好多都online teaching 緊，如果有時間，不妨學下比較簡單嘅Promgramming 如Python同SQL。而其他常見Programming Languages仲有：.NET、ASP.NET、C#、Web services、XML、HTML、CSS、Javascript 同 Java都係經常會用到嘅Programming Languages。

.

總而言之，生活係呢個年代，你千祈唔可以驚IT或Digital，唔好覺得自己唔係IT出身就唔可以做相關工作，因為未來無論係入邊行，你都必須要做相關嘅野😂唔好話生意會digitalized,而家係連職位都會Digitalized！

.

希望呢篇文可以幫大家衝破心理障礙，嘗試去接觸不同行業，為自己尋找更多可能性。睇完記得俾個Like HKCareers♥️！