.png)
地產業進入冷河期？報工有咩要留意？
好多同學自覺對數字或金融行業唔係最有興趣，又或者係報完投行、銀行或Big 4後，仲想試多啲唔同行業時，就會報埋Property 同Conglomerates；不過大家唔好以為地產同Conglomerates就一定會易入過銀行，特別經濟唔係特別好時，連地產業都會受到影響，一定要睇住市況修正報工策略，想知更多就Loop落去睇啦！
.
係講下市況點樣影響大家報工前，小編想先同大家溫下書，講下地產商同Real Estate Consultancy嘅工作內容同埋分別：
.
地產發展商顧名思義就係做樓宇發展項目，四大家族：新地／恒基／長實／新世界都係發展商嘅例子。而Real Estate Consultancy就唔會起樓，但會有Agency／Consulting／Prop Man等服務，例子有：CBRE／JLL／Colliers等等。
.
地產發展商工作包括：
1. 賣樓部（Sales and Marketing），香港的樓有幾值錢真係唔使再多講，從各大發展商的income statements 可以睇到發展商收的入來源大部分來自賣樓
2. 租務部（Leasing），一般可以分為residential leasing、 retail leasing和office leasing三類。
.
Real Estate Consultancy Firms 則通常透過以下方式運作：
1. Agency服務。無論係商舖、寫字樓舖位，甚至是住宅單位都會有經紀，而經紀服務會比中原和美聯等公司尼得高檔，係跨國經營的模式下，盤源甚至會來自中、英、美和歐洲等地。
2. Consulting服務。負責的部門通常叫作Consulting Team 或 Advisory Department，會為發展商、政府和其他類型的企業提供咨詢服務，幫助佢地係不同市場發展房地產業務，具體工作包括提供數據、進行市場研究、分析每個市場的demand and supply、對發展計劃進行估值、計算投資總額和profit margin等 。
3. 物業管理：JLL和Savills等公司會做得比較多物業管理，為商廈、商場和住宅等負責燈油火蠟 、牌照、清潔和保安等一站式的管理服務。
.
地產業近況？
一般尼講樓市都會比股市遲少少顯現出減退嘅跡象，但並唔係話地產業完全無影響，大家留意下Retail Leasing嘅消息就會知道情況：
例子一：Prada下年將會關閉係位處銅鑼灣，月租高達900萬元嘅專門店（900萬除開每日都要30萬租），有消息話店鋪業主旭日國際集團有可能調整租金，月租減到500萬吸引租客
例子二：大家行過尖沙咀可能都會見到新世界Victoria Dockside Project入面嘅K11 Musea已經開業，但唔知大家有無行過入去？據說商場嘅出租率只係得 90%，剩低個10%就仲搵緊租客
.
咁報地產行業有咩要留意？
1盡量報無咁快受影響嘅部門：
係Property入面最快受經濟影響嘅一定係Retail Leasing，小編係上面舉嘅例子都係屬於Retail，所以大家就要留意下。一般尼講Office Leasing都係一簽租約簽好多年，無retail 咁易受影響，所以大家有得選擇都可以做Office Leasing
2由於發展商收入來源大部分來自賣樓，大家如果可以入到賣樓部（Sales and Marketing），就當然要入啦
3近年好多地產商積極係內地發展，因此有唔少Property MT Program都要去內地留一段時候。大家除左要望實香港個地產市場外，亦要睇實內地市況！
.
最近開始有好多同學問我地幾時搞地產同Conglomerates嘅workshop，唔好意思要大家等咁耐，我地準備好啦，你又準備好未？如果想知道更多報地產行業嘅Tips，等自己入到Property/Conglomerates MT？就快啲去就快啲報名參加！
