.png)
Private Banker嘅檔次、工作同人工 （可以出入高檔地方識明星）？
之前城中某個熱話係自稱Private Banker嘅葉朗程疑似自爆同女藝人嘅私人約會，無論件事係真係假，都引起左好多人對Private Banking 呢個行業嘅興趣，究竟Private Banker做啲咩？點解好似過得好開心咁，成日出入高檔地方？我地今日一齊睇真啲：
.
Private Banker服務對象：
要知道Private Banker有咩咁勁，首先要知道佢地嘅客戶係咩人。Private Banker主要服務high-net-worth或者Ultra high-net-worth individuals (UHNWI)，即係有錢人中嘅有錢人，小編簡稱「最有錢佬」。而且Private Banker主要係服務「最有錢佬」本人，可以同佢地直接接觸，建立私人關係，同 Asset Management、Sales & Trading、Commercial Corporate Bank或Investment Banking 呢類以服務「公司」為主嘅投行或銀行部門好唔同，自然多左機會出入上流地方🏰
.Private Banking 有分檔次？
市面上大部分投行或銀行都會設有Private Banking 嘅部門：
.
1⃣UBS、JP Morgan、Morgan Stanley或者 Goldman Sachs 等行因為入場門檻高，一直被視為最高級嘅Private Banking；好似 UBS咁，寫就寫話只需要有十球美金（大約八千萬港幣）就可以開戶，但實際上UBS已經好少收新客，即使你有八千萬港幣，如果無現有客戶或內部轉介都幾難係UBS開到戶口。（咁係因為係金融海嘯後，相關嘅規例愈來愈嚴格，加上UBS本身只係收「最有錢佬」，真係唔愁無客仔，收得愈來愈少新客）除左以上幾間外，Citi Bank嘅Private Bank 亦好出名。
.
2⃣係匯豐、星展或渣打等外資行嘅Private Banking開戶大約要三、四千萬港元。
.3⃣中資行嘅Private Banking入場門檻會再低啲，手持大約一千萬港元就可以入場。
.
Private Banker嘅實際工作內容係咩？
我地集中講下前台（Front Office）嘅工作內容先：
1⃣Relationship Manager（RM） ：顧名思義，RM要負責同「最有錢佬」建立關係同保持溝通。客人如果想做任何買賣、選用任何產品，都會先同RM聯絡，要做嘅Paper work 相對較少，反而要花多啲心機係溝通、銷售及同有錢人打好關係。
.
銀行內部亦經常會搞好多同富豪嘅社交活動，例如係馬會搞晚宴、賽馬觀賞日或去遊艇會搞活動等等，所以Private Banker先會有好多機會擴展網絡，出入高檔地方（可能葉朗程都係咁🤔？）如果同學對呢類活動有興趣，都可能好適合係Private Bank工作🤩。
.
2⃣Investment Consultant／Specialists：不過大家可以想像，如果有錢客俾得咁多管理費，一定唔會只係用尼做下定期、存下錢或借下錢咁簡單。好多時都會使用啲比較複雜嘅投資產品、結構性嘅衍生產品，或者由RM轉介去投資對沖基金或私幕基金咁。
.
幫「勁有錢佬」做財富傳承（Wealth Transfer）或稅務計劃（Tax Planning）亦係Private Banking好重要嘅工作，而以上每項投資產品或方法都會由專業人士負責，所以同學入左去唔只係可以做RM，仲可以係專責去提供呢啲服務。
.
人工：
Private Banker起薪點約由4萬到5萬5千不等，不過Bonus就可以差好遠。如果達到業績目標出多10個月Bonus都唔出奇。
.
點分真假Private Banker？
其實要分真假Private Banker，首先要睇佢地服務嘅客係咪真係有錢人，或者係唔係上面舉例嘅銀行到做財富管理。老實講好多保險經紀都係叫做Financial Planner，都係話幫（我地呢啲普通😢）個人做財務規劃，但唔通佢地個個都係Private Banker 咩
.因為PB既薪金高，每一年都吸引好多同學報，同其他iBank Front Office一樣，想入行既同學仔最好係報各大iBank既Summer Analyst再攞Return Offer。
.
iBank既Summer Analyst Program己經慢慢開始接受報名，如果有興趣了解多啲PB（同埋Global Market同埋Asset Management），就唔好錯過我地兩個星期後既Workshop。我地會同大家分享最新既Headcount同埋Interview Tips! 想參加可以係呢條Link報名：http://bit.ly/2KW1tXY
.
