.png)
點先可以拎到Return Offer？（下）
⭕如何增加拎return offer 的機會？ .
6⃣點樣同同事建立好嘅關係？如果同學係返Front Office，大部分同事都係比較建談，咁同學都可以試下係第一個星期已經嘗試同佢地個個傾計，但如果係back office好多同事都要做多啲Papar work或者比較慢熱，咁大家就可能要放慢啲節奏，唔好太過aggressive,係人地好忙嘅時候都Keep住chur 人地，可以嘗試平時笑下打下招呼先，有機會先吹下水，再有機會先約食lunch。個目標可以係intern完結前同每位同事食過一次飯，而係mid-term 同final evaluation前都可以同supervisor食左次飯先🤝
.
7⃣溝通的態度同內容：記住個態度一定要自然，唔好一副想套關係嘅樣。而topic上，雖然最近香港社會有好多事發生，同學都會有好多想法，但係面對新同事的時候，你未必知道佢地的想法，所以都要避免主動提出呢類話題，或者講得太多自己的意見，要小心保護左自己同避免引起對方的反感
.
8⃣散水餅：完左internship當然最好派散水餅，近年好多同學都已經會好俾心機，唔會只買美心咁簡單。其實買特別少少嘅散水餅當然可以留個好印象俾同事，但如果你係Ibank到做，Internship期間會係不同部門rotate，未必個個同學都有能力花千幾蚊去請曬每條team嘅同事食餅，係咁嘅情況，同學可以根據自己嘅經濟能力，請左最後個條team 嘅同事食先，再請埋係之前幾條team入面有緊密合作過的同事咁
.
9⃣如果有同事唔岩咀型？係實習期間亦會有機會遇到啲同事唔係咁鍾意你，雖然佢地未必會直接參與到你嘅evaluation,但如果佢地係你supervisor面前表現出對你嘅不滿，咁都有可能對你做成負面影響。同學如果感覺到有同事唔係太喜歡你，可以盡量避免同佢地接觸，等佢地無咩機會再增加對你嘅壞印象🤭
.
大公司遊戲規則：係大公司入面做野其實有好多潛規則，好多時都會係細節位到留意到同學夠唔夠醒目🤫，例子一：Send email嘅recipient list時好經常都會按職級或字母黎排，如果同學見到其他同事有咁做，你就一定要跟住做，如果唔係好容易會令人覺得你唔夠醒；例子二：如果Team Head指派左工作俾你，而係個電郵入面有cc到其他同事，好多時代表佢預期你做完會俾左同事review先，咁同學係做完後就可以問下該位同事，唔好就咁直接覆返team head啦！
.
希望呢10個Tips可以幫到同學拎return offer！我地黎緊會繼續搞唔同類型嘅workshops，分享唔同行業同職位的insider tips, 大家要繼續留意呀😛！
