中美貿易戰點影響2019-20搵工策略？

中美貿易戰點影響2019-20搵工策略？ . 中美貿易戰加劇，除左係面試期間，同學有機會被問到對貿易戰嘅睇法及事件對不同行業嘅影響，仲會直接影響到同學係2019-20年度嘅報工策略，想知有咩要留意？🤔就快啲睇落去： . ⭕背景資料： 首先俾啲背影資料同學重溫下先，美國對中國價值2000億美元商品嘅關稅，係香港時間上星期五中午，由10%提高到25%；而中國亦將進行反制措施，將會係6月1日開始對已加徵關稅嘅600億美元清單嘅部分美國商品，分別加徵25%、20%或10%嘅關稅。之前加徵5%關稅的稅目商品，將繼續加徵5%關稅。 . ⭕貿易戰對邊啲行業有特別大嘅影響： ☝🏼通訊網路（Telecommunication）、軟硬件生產同開發商、資訊科技行業同電子產品生產業等，咁係因為美國今次都針對住華為尼打，而中國有機會做嘅反制措施都會針對以上行業尼做。 ✌🏼製造業同物流業：睇返2000億商品嘅清單，有好多都係消費品，如汽車輪胎、家俱、手提包、地毯、門、服裝、電視零件和冰箱等。所以製造業同物流業都會受到好大衝擊。 👌🏼FMCG行業：由於化妝品、廁紙、大量食品同寵物食品等快速清耗品都會被徵收關稅，FMCG行業都會受到唔少影響。 🖖🏼能源及工業：化工製品、煤、鋼、鋁等能源及工業品等都係清單上，影響呢兩個行業。 . ⭕貿易戰點樣影響銀行、金融、地產、Consulting同Conglomerates等行業？ 1⃣銀行同金融業：表面睇尼，貿易戰唔會直接影響到銀行同金融等行業，但係銀行業成日被稱為「百業之母」，如果電子科技、製造業、物流業、FMCG同能源及工業都受到咁大影響，銀行業都好難獨善其身，例如製造業有問題，向銀行借少左錢或減少左使用各項金融產品，都會對銀行業帶來影響。 . 2⃣而對於地產業尼講，當FMCG受到貿易戰嘅打擊，亦可能會影響佢地嘅鋪租收入；加上係整體經濟環境差嘅時候，股市又波動，都會令到好多人減低左買樓嘅意慾，直接影響樓市同地產業。 . 3⃣各行各業其實都係互相牽引住，若果貿易戰係短期內無法解決，都會間接影響到銀行、金融、地產、Consulting同Conglomerates等行業，同學不得不持續留意住貿易戰嘅發展。 . ⭕貿易戰對報工有咩直接影響？ 1⃣如果將會有面試嘅同學，一定要預備定點樣回答有關質易戰嘅問題，包括貿易戰會點樣影響到你要面試個個行業、有邊啲同呢幾個行業相關嘅商品被列入左中美關稅清單上等。 . 2⃣仲考慮緊係咪入直接受到貿易戰影響個幾個行業嘅同學要諗清楚，係市場環境咁唔明朗嘅時候，入呢啲行業會點樣影響到你嘅發展，例如會唔會少左Headcounts、少左加人工或加多左被截員嘅機會等。 . 3⃣由於上年第四季嘅經濟亦唔係咁好，有啲公司嘅Headcounts已經減少或者係推遲左先出，例如上年匯豐嘅請人程序明顯比前年遲左，好有可能係因為銀行想睇定啲經濟環境先進行招聘。 . HKCareers預料未來一年嘅情況可能只會更嚴峻，同學搵工一定要更加努力，留意住心水嘅機構發展同職位幾時開始進行招聘，當然要繼續留意住HKCareers，我地都會繼續幫同學分析搵工市況。仲未Follow我地IG同FB嘅同學要快啲Follow啦👍🏼，唔係就會錯失左好多有用嘅資訊。#achievewithus #hkcareers