.png)
仲未搵到Grad Job點算好？
仲未搵到Grad Job點算好？
最近好多同學仔都問我地，如果而家仲未搵到Grad Job點算好😭，所以今篇文我地想教下大家，除左企係到驚😱，仲有咩可以做好準備，等自己係下個搵工季節再拎靚Offer
.
⭕仲有邊啲工有機會請人？
今年尼到5-7月，只係淨低好少公司仲有Opening，細公司當然仲會請人，而投行尼講只淨低 Société Générale或Crédit Agricole，銀行就可能有匯豐或中銀仲有機會請合約位，但都唔係百分百一定會有位
.
⭕為下個請人季節做好準備
所以我地建議同學可以開始為下個搵工季節做好準備（即係7-8月開始），其實大部分Bank MT Program都唔會只接受剛畢業嘅同學申請，畢左業兩至三年內嘅同學一樣 仲有樣會入到，甚至有啲課程如DBS Management Associates Program今年都轉左玩法，唔會收Fresh Grad同學，反而只會收有2-3年工作經驗嘅人，所以Grad左都唔係玩完，可以繼續報Bank MT🔥。
.
⭕做住相關行業吸收經驗
有啲畢左業嘅同學因為想有多啲時間再報MT，會決定空一年時間咩都唔做，但其實咁樣會浪費左時間，同學應該嘗試搵份同你有興趣嘅行業相關嘅工作做住先： ☝🏼例子一：想入銀行嘅同學可以考慮做住銀行Branch Trainee先，雖然人工唔會特別高，但係之後再報返Bank MT嘅時候，就可以顯示到俾個考官知，你對銀行業幾咁有熱情，即使未入到MT都會努力係銀行入面吸收經歷
✌🏻例子二：如果同學對地產業有興趣，亦可以做住一啲比較細嘅地產發展商或物業管理公司先，咁下年再報MT時，由於你已有相關工作經驗，反而會比剛畢業嘅同學有競爭力 👌🏼例子三：如果有Big 4 Audit都可以做住先，因為Audit嘅Skillset 好有用，同學可以學到好多會計同Financial Analysis嘅知識，對之後搵類似Corporate Finance或 Banking Investment Trainee嘅工作會有幫助
.
⭕報工策略：
不過同學開始左返工後再去報MT或大公司一定會比Final Year時辛苦，畢竟每日都要花好幾個鐘去返工，仲要係工餘時間準備面試或執CV同Cover Letter，所以同學一定要有一個好清晰嘅策略，唔可以浪費自己嘅精力：
1️⃣要有一個確實嘅目標，知道自己想入咩行業，唔可以再好似未畢業前咁樣大海撈針咩都試報下
2️⃣揀選最想入嘅20-30間公司同職位，專注去為呢啲職位做準備
3️⃣係報工嘅旺季（8月—11月）時要有紀律，每個月大約報10份工，亦即每星期大約2-3份左右
4️⃣善用週末嘅時間準備面試
.
⭕仲考唔考Professional Qualifications好？
好多同學係畢業後，由於時間有限，都會立刻開始考專業資格如CFA、CPA同FRM咁，但如果同學真係想考返入銀行或大公司嘅MT，我地建議同學要認真考慮下自己嘅精力夠唔夠，係咪需要將考呢啲專業資格嘅計劃推遲少少，因為半工半報工已經好忙，如果仲要再花時間去準備考專業試，可能樣樣都唔夠精神時間去做，反而會事倍功半，咁當然如果同學自問好Chur得，都可以繼續做嘅
.
⭕Grad左報MT Program有無時限？
一般Grad左嘅同學仔如果試報MT Program一年之後又再失敗了😵，我地建議同學最多最多只好再試多一年。如果兩年都唔成功，咁就無謂再報MT 啦，可以考慮係本身做緊個行留多一至兩年，再以Mature Professional嘅身份轉去其他更有價值嘅職位，都可以係另一條路👍🏻
.
⭕俾啲成功例子鼓勵下同學先🙌🏼：
我地有同學仔本身入左外資行 MT，雖然個Offer已經好唔錯，但係佢仲好想入Asset Management Firm，所以畢左業都仲好努力再搵，最後真係一年內得償所願拎到Asset Management Firm Offer .
所以話畢左業真係唔係句號，同學如果想Aim Higher，搵一份更好嘅工亦唔係無機會，所以千祈唔好灰心，天道酬勤，加油一定會拎到靚Offer👑。如果你有其他戰友都仲未有岩心水嘅Offer，就快啲係下面Tag佢，一齊Achieve with us 💪🏻💪🏻
