FinTech界又有新消息：金管局都落水搞FinTech認證課程？

我地之前已經分享過唔少有用嘅認證課程俾同學參考，但原來除左坊間或學界各大機構外，連金管局都諗住落水，同深圳市地方金融監督管理局合作推認證嘅金融科技師專才課程，參與機構仲包括華為、平安科技和微眾銀行等中資金融科技公司（不過華為都有份玩，唔知會唔會受貿易戰影響🤔？）。 . 課程預計會參考而家特許金融分析師(CFA)嘅模式，要求呢啲專才通過考試取得專業資格，預期今年底就已經會有首批獲認證嘅金融科技師出到尼（咁即係話個課程唔使讀超過半年啦😂 ！） . 其實係2014至2018呢5年間，金融科技公司係香港嘅投資總額累計超過11億美元，吸引的資金足足比新加坡高出60%😯，加上我地之前都分享過，金管局至今已經批出左4個虛擬銀行牌照，仲審批緊剩低個4間嘅申請，政府要開始培訓更多FinTech人才都無可厚非，有認證確實會比較容易區分人才。 . 但呢個消息始終係剛剛公佈，具體內容會係點，點考試同考啲咩都未知，同學記得繼續留意住我地嘅FB 同IG，如果有新消息我地都會第一時間Update大家。覺得資料有用嘅同學亦唔好忘記💞Tag返有興趣入FinTech呢行嘅朋友仔。