Property MT / Intern 必知： 發展商 Vs Real Estate Consultancy

房地產係香港第二大產業。每年大概有十幾間地產發展商或者Real Estate Consultancy有開MT／GT／Internship，因此係好多大學生都不容忽視既行業。雖然好多同學仔會對地產相關既工作有興趣，不過又會對地產既知識相當貧乏。如果你能夠比其它人了解多少少關於地產既工作內容，一定會幫到你Career Planning同之後既面試。 ❗️我地會係呢篇Article分享地產商同Real Estate Consultancy既工作內容、出路、 同埋分別等等。 首先講下兩者既分別： 地產發展商顧名思義就係做樓宇發展項目，四大家族：新地／恒基／長實／新世界都係發展商既例子。而Real Estate Consultancy就唔會起樓，但會有Agency／Consulting／Prop Man等服務，例子有：CBRE／JLL／Colliers等等。 ✅分別一：賺錢部門 發展商賺錢的部門有： 1. 賣樓部（Sales and Marketing），香港的樓有幾值錢真係唔使再多講，從各大發展商的income statements 可以睇到發展商收的入來源大部分來自賣樓。 2. 租務部（Leasing），一般可以分為residential leasing、 retail leasing和office leasing三類。 具一定規模的發展商通常都會有賣樓部和租務部，當然Leasing 的收入就比較難比得上賣樓。 Real Estate Consultancy Firms 則通常透過以下方式賺錢： 1. Agency服務。無論係商舖、寫字樓舖位，甚至是住宅單位都會有經紀，而 經紀服務會比中原和美聯等公司尼得高檔，係跨國經營的模式下，盤源甚至會來自中、英、美和歐洲等地。 2. Consulting服務。負責的部門通常叫作Consulting Team 或 Advisory Department，會為發展商、政府和其他類型的企業提供咨詢服務，幫助佢地係不同市場發展房地產業務，具體工作包括提供數據、進行市場研究、分析每個市場的demand and supply、對發展計劃進行估值、計算投資總額和profit margin等 。 3. 物業管理：JLL和Savills等公司會做得比較多物業管理，為商廈、商場和住宅等負責燈油火蠟 、牌照、清潔和保安等一站式的管理服務。 ✅分別二： 本土化／國際化。 1. 地產商通常紮根本土，大部分是港資或中資。 2. Real Estate Consultancy Firms則大多是跨國的。Network大，擁有的資源亦會更全面，一般發展商若要到外地投資發展，便要僱用這些跨國的Real Estate Consultancy Firms尼為佢地提供意見同了解當地情況。 跟住會講下做發展商同Consultancy Firms既MT／GT會有既Exposure同前景： ✅發展商的MT／GT program： 發展商涉獵的範疇好多，包括巴士和渡輪等業務。而好似新世界、信和及南豐等發展商的業務亦愈來愈多元化，多左好多創科、環保、可持續發展、科技和生物科學等產業的投資，同過去只做地產、商場和寫字樓的情況已經好唔同，參加MT program 的exposure 亦因此愈尼愈大 。 發展商的MT／GT program 一般係rotation base的，發展商其實係想培訓「通才」，希望受訓者係之後成為領導層，管理公司的不同產業。壞處係你最後可能無一瓣可以精通曬，好處就係能夠熟悉發展商不同的產業，知道發展商如何實際去賺錢，又可以識多啲人，擴闊人脈。 ✅Real Estate Consultancy： Real Estate Consultancy Firms最賺錢的一定係要搵客同跑數的Agency部門，可以見識到好多唔同的樓盤、買家賣家、業主租客。如果同學仔想做valuation或 consulting，就可以學習不同的real estate asset classes，知道更多商場、停車場和辨公室的類型，咁當然類型就未必會有發展商咁多啦。 加入Consultancy firms後通常會入特定的team，變相可以慢慢成為一個「專才」。如進入左valuation teams，可以學到好多關於房地產的valuation methods，或者了解唔同property markets 的發展趨勢的方法。 雖然唔係話只要一進入左發展商或Consultancyfirms就不能再轉返出尼，不過既然入得property呢行，我地會建議盡量做啲負責搵錢的部門，在發展商就係賣樓部，在Real Estate Consultancy Firms就係Agency、Consultancy 或物業管理，對exposure 同之後的發展都會有好大分別。 如果睇完覺得幫到你了解地產行業，記住比返個LIKE！❣️ 另外，我地會不定期Update IG Story去分享Insider Tips同埋唔同行業既行程，記住Follow返我地 IG。（ig=hkcareers)❣️