.png)
2019 Grad必知：傳聞渣打將被收購？DB裁員？
2019 Grad必知：傳聞渣打將被收購？DB裁員？
最近銀行界不時傳出小風波，雖然對成個市場暫時冇太大影響，但茶餘飯後都引起不少討論。準備要8月Apply Grad Job 既同學仔，開始要跟貼啲不同既市場資訊，小道消息都可以會影響你報工既策略。以下有兩個消息都值得同學仔留意：
⁉️第一個： 渣打銀行
近年來渣打既業績表現未如理想，15同16年更連續兩年業績見紅，股價一直都未能沖破海嘯前，一直載浮載沉，引起不少風浪。2015起不時傳出其他銀行有意收購渣打：2015年同時傳出摩通（JPM）和工行有意收購。時至今日渣打被收購既消息都傳過不停，上個月有消息指巴克萊（Barclays）有興趣收購渣打。
雖然渣打冇作出任何評論，但巴克萊就表現得期待，希望有進一步發展之餘亦指會探討同其他銀行，例如：德銀、瑞信和星展銀行等合併機會。
對渣打內部黎講，呢類消息會對公司架構帶來影響。如果合併成功，新人事新作風，或者會對新一年既Recruitment Strategy有改變。
⁉️第二個：德意志銀行
話說德意志銀行3月時發生人為錯誤，有同事錯將280億歐元當280億日圓匯出，事後雖然可以追回款項並冇造成損失但就成為銀行界笑柄。原來德意志唔係第一次發生類似問題，2014年亦曾錯誤地將210億歐元轉比麥格理銀行，但最後都可以成功收回。
種種跡象令到外界對德意志銀行既執行力產生懷疑，特別對其風險管理既能力抱有疑問。同時間近年德意志銀行既實力每況愈下，係連年虧損下，傳聞今年會縮減世界各地既營運規模，大幅裁員。
幸好既係今年4月起德意志銀更換左新既行長，希望新行長上任後可以一洗頹氣，如果唔係，Fresh Grad Head count 可能會愈來愈少。
👍睇完記住比個LIKE啊！(ig=hkcareers)
