中美貿易戰對Bank，FMCG，Business Fields的影響

‼️Prep Interview必知：

中美貿易戰對Bank，FMCG，Business Fields的影響

美國對中國有龐大貿易逆差就係人都知，Trump Trump前兩日就話會對中國部分進口產品開徵25%關稅，而同時間中國亦發聲明會對其商品加徵稅項。😄而家金融界都係度分析緊貿易戰對各行各業既影響，如果你能夠係黎緊既Interview裹面提到相關問題／分析，必然會大大增加你攞Offer機會。

首先講下背景先： 現時美國對中國既貿易赤字係3750億美元，佢地希望將赤字收窄至2750億美元，所以主要針對「中國製造2025」發展計劃入面既高科技產品出口，仲有其他如衣物，電子產品等，計劃開徵25%關稅。另外，中國集中向美國對中國較多依賴既產品加徵稅項，例如：黃豆、冷凍橙汁、汽車及塑料製品等。

Interview會有機會問到：

‼️‼️Do you think China and United States will allow the trade war to happen? 其實發生貿易戰對美國唔一定係好事，好似前兩日中國既聲明己經令到美企有負面影響。另外，Trump Trump既做野手法不嬲都「靠嚇」，好似同北韓咁，係咁攞啲彈藥話開戰，最後其實咪就係撩人地談判，所以唔排除佢想以同一個方法對付中國，希望為美國通過談判攞到更高議價能力。

‼️‼️What are the potential impacts to the industry if the trade war occurs?

⭐銀行／金融界：如果發生貿易戰，中國話會研究將人民幣貶值（無錯，因為中國一向實行好strict既貨幣管制政策，所以佢想人仔貶又得，升又得），所以如果人仔貶左，商品就可以以低啲美元價格出口，interview Global Market FX/ Rates team同學仔就要講得出呢方面即影響，仲有，同學都要知出口業好左，都會令Com/Corp bank trade finance 啲生意多啲。

⭐物流／航空業：因為美國同中國實施貿易關稅，必然會發生既係兩個國家之間物流既航運會減少。為左維持市場物品既價格，貿易公司會開發其他市場，比如澳洲，預視澳洲航運需求上升。

⭐FMCG (快速消費品)： 因為中國有機會會對美國部分原材料實施關稅，例如： 鮮水果及乾果製品、葡萄酒、花旗參。一旦徵稅，中國會考慮從其他國家進口相關產品。短時期內的影響唔算太大，但若然貿易戰持續，以後美國進口既商品可能會變得越來越貴。所以FMCG 公司既成本會變高， 同學面試時可以參考公司年報，了解公司主要既原材料來源地，及建議可發展既後備市場。

⭐科技： 因為美國在高科技產品加徵重稅，令中國的高科技產品少了一個主要出口市場及技術交流平台，令科技投資和技術發展可能會進入平台期。

圖片來源：Asia Financial Publishing