盤點四個行業既「員工福利」

同學仔係選擇行業既時候，除左睇人工外，都可以留意下其他額外福利，因為咁會做得開心同長久啲，又可以新年晒下逗左幾多利是😉👍。你會係呢篇Article裹面搵到IBank／Bank／Conglo／Property既福利。 ➡️iBank： 房屋：外資既IBD一般會有Housing Allowance，大概每個月15-20k左右，而中資IBD就未聽過有，如果同學仔有小道消息都可以同我地講返。另外，其他部門如S&T/PB/ Middle & Back就唔多覺有。 外國Training機會：外資iBank 都幾多外國training既機會，有啲仲有Overseas Placements 機會同Transfer 機會，之前識得有朋友係GS同Barclays都可以轉去倫敦做。 其他：如果做Front Office，過年過節所會收到客送黎既禮物籃，仲有得去應酬去啲高級餐廳食飯，比起其他行業都算係咁。 ➡️Retail/ Com & Corp Banking： 房屋：一般大行都有員工按揭優惠，可以用超低息借錢買樓，一般都可以借到高達八至九成 。當然要睇人工同職級，聽過最誇張以前有間大行某個級別以上員工可以借到九成半。 銀行員工買樓雖然容易，不過樓價一旦下跌或者你離開銀行業咁就…… 外國Training機會：銀行都有得去外國Training，但比iBank 會少啲，始終Retail/Com/Corp Bank 生意好多都係本地，就算係做Global Bank， 啲客好多係本地藍籌或大國企。如果係MT Program，一開始可能有Overseas Training，但開始做野後一般少啲。 其他：同iBank一樣，過年過節禮物籃少不了，前線員工都有應酬同飯局去下。 ➡️Property： 房屋：買樓會有些微著數，好似新世界及新地就曾向員工提供高達樓價11%與10%回贈。 外國Training機會：除長實外，香港地產發展商係中國以外通常無太多Project，所以唔好話Placement或者Training，連出Business Trip 機會都唔多個，叫做有最多機會都只係幾間大發展商既MTProgram，臂如恒隆同新世界，因為有得去大陸跟Project。 其他：係發展商某啲部門做其實福利 都幾多，例如做Retail Leasing 因為啲客都係大品牌，成日都會送Sample同禮品，加上係公司旗下商場買野好多時有折，另類福利都算幾好。 ➡️Conglomerate 房屋：其實Conglo 會有Housing Allowance 或者支持員工置業計劃，例如MTR ，當年期同職級達到某個級別，佢地會比Housing Subsidy/ Allowance。 外國Training機會：Swire/Jardine/Bloomberg 呢類外資大企業就好鐘意於送員工去外國，拓寬員工視野同比佢地跟唔同Project。而FCMG 大行如P&G/ L'Oréal 等，未必有機會比你去第二個地方長做，但都會有啲Overseas Training機會。 ----------- ❗❗如果想知道多啲公司內幕，可以加入返我地個"HKCareers Insider Club"做Insider。 https://www.facebook.com/groups/hkcareers/