做Banking，MT，Big 4 將來可以跳去咩公司做？

作為BBA學生，了解唔同Field既Exit Opportunities係好重要，因為你要知道工作左三五年之後，自己有咩選擇，咁先唔會做錯決定。你會係呢篇Article會知道Big4，銀行，地產，Consulting同Conglomerate既Exit Opportunities。 ➡️Banking Banking Industry主要分為兩大方向，第一：Front Office、第二：Middle and Back Office。 Front Office嘅工種出路一般較闊，因為佢地喺做Relationship Manager／Sales嘅角色。第一：有唔小Banker儲到工作經驗同人際網絡時會另起爐灶，做自己生意。第二：可以轉到Middle and Back Office。因為RM 接觸嘅工作範圍比較闊，對好多部門既工作都有一定認識。第三：可以轉去銀行其他Sector做Sales，例如由Commercial & Corporate Bank轉到Private Banking ；Global Market 轉到Assets Management 做Sales/Business Development； 或者由IBD 轉到Venture Capital /Private Equity 等。 如果Middle and back office 既話，例如Marketing、Risk Management、Operation等，前路不算太闊，多數都會喺由A銀行跳到B銀行類似工作性質嘅Department工作。 ➡️Property 地產既工作性質較為穩定，相對地跳出去嘅機會就一般般。 一般係地產發展商係Leasing部門既人，當儲夠客源會選擇跳到Property Agency（例如：JLL）負責幫唔同公司篩選鋪位或者寫字樓等，因為Agency嘅Bonus會較多。 而Sales & Marketing，因為工作性質都以地產商新樓盤項目為主，所以通常轉工都會係轉去其他地產商多。 至於Property Management，因坊間有唔少大大小小Property Management 公司，無論Agency 或者In House都需要呢類工種，所以跳嘅機會都比較多同廣。 另外，小數比較出眾嘅人可以跳到Real Estate Investment Fund，Real Estate Asset Management 嘅Team，人工同Bonus都會高啲 ，但就需要更多專業嘅行業知識。 ➡️Conglomerate Conglomerate一般出路比較窄，因為好多Conglo（例如Swire、 Jardine）都有自己一套P&P、System、獨特既Culture。當中好多Skill Set喺因應特定部門／Project而設，而呢類知識比較難應用喺其他公司上。一般人會喺Conglomerate 做相對長嘅時間，儲夠工作經驗同人脈關係，以Management Level 跳走。 ➡️Big4 Audit/ Tax 喺Big 4 做左3-5 年既Auditor 會累積經驗同埋有CPA，而呢啲Qualification會幫佢地跳入其他嘅行業。第一：跳去大公司In House嘅Finance Department，變相做番Big4嘅客，你會處理Budgeting、Financial Control 、Financial Reporting等工作。第二：跳去Equity Research、Corporate Finance 呢啲Area，呢類型職位會傾向招聘有CPA 背景嘅人。第三：跳到Banking Middle and Back office 的職位，例如：Asset and Liability Management、Treasury Department等。 如果喺做Tax Department既話，Exit Opportunities 會比較少。因為Tax工種較Specialized，其他工種好難用到Tax既專業知識，所以好多人入行後會視Tax為終身職業。 睇完記住比個LIKE同埋Tag比有需要既朋友睇❗ ------------------------------------ 想知道多啲搵工既Tips同埋公司既面試內幕，記住加入返我地HKCareers Insider Club做Insider！ https://www.facebook.com/groups/hkcareers/