地產面試必知：Retail Leasing 既四大趨勢

十二月又開始地產MT既面試，除左要準備好Competency同CV based Questions之外，更加重要係要知道地產行業既市場趨勢及發展。 最近睇新聞話太古商場設立左「貴賓室」同新地旗下商場研發緊「人臉辨析個人化服務」，去強化客人既Shopping Experience，除左呢啲，其實仲有「4個不得不知既Retail Leasing趨勢」，如果你將來係有興趣做地產行業既話，就要繼續睇落去。 簡單黎講：Retail Leasing主要既工作係幫商場做Marketing，Branding同揾Tenants，同各大Brand（客戶）管理關系，所以candidates需要有良好既溝通能力，地產市場既Market Sense同了解Retail Leasing既發展。 香港既商場黎黎去去都係果啲舖頭，一個字"悶"，所以而家好多地產發展商都採用唔同既策略去創造獨特既市場定位。 首先，佢地會幫旗下商場定立主題。APM既定位係"Young"同"潮"，所以係商場佈局同活動都會有比較多年輕人中意既野。另外新世界旗下既K11比較多藝術原素，另一個例子係愉景新城，如果有去過既同學仔，會留意到佢透過兒童服務同學習工作坊等等去定位商場。 第二，商場發展商會配合高科技發展，善用AI，AR，VR等等元素建立智能體驗。觀塘APM 係今年暑假就用VR 作招徠，推出用VR打籃球既活動，吸引年輕人，另外，新鴻基今月宣布下年一月會有全新的商場APP，有好多新function如支援預約泊車及餐廳訂位。除左App同AI，Digital Payment都會係Retail Leasing既未來趨勢。 第三，商場重視顧客既體驗。發展商會搞形形式式活動同工作坊，令客人對商場印象好D，例如荃灣愉景新城，近年以親子為主題，舉辦不少活動，吸引爸爸媽媽入場；另外，長沙灣D2 Place，以年輕人手作工作坊為賣點，有音樂盒工作坊、保鮮花工作坊等，去建立口碑。又例如K11有請Sales Ambassador解答客戶問題，從而建立互動既體驗。 第四，快閃店(Pop Up Store)，指部份品牌店係商場設立不多於三個月的時間，以限時經營為賣點，吸引人流。而Pop up store設計靈活，彈性比較高，因此商場可以不時以新Pop Up Store 為賣點，增加商場客人的新鮮感。以日本抹茶老字號中村藤吉為例，以Pop up store形式進軍太古廣場，而朝聖人士為商場帶來不少人流。 發展商希望用以上策略，將商場打造為獨一無二的地方，維持顧客的新鮮感，增加顧客忠誠度。 所以當同學準備Interview 時，要清楚地產發展商旗下商場常用的發展策略，Reseach 定幾個活動作例子及建議一D新活動，顯示自己了解行業趨勢。 睇完記住比個LIKE先走！ 如果想知多啲Breaking News既分析，可以Join返”HKCareers Insider Club”，我地會每星期寫一啲獨家既Summary。 https://www.facebook.com/groups/hkcareers