「學位貶值，你應該讀個Master嗎？」

學位貶值，你應該讀個Master嗎？」 如果你係好想入高端既工，例如大集團（如Swire，Jardines），投資銀行或者Consulting Firm等等，讀Master會有一定幫助。 1：而家多左工淨係請Master既畢業生。好似DBS，HNA同CICC等等佢地個Graduate Program講到明會Prefer Master既學生。說算冇講明既公司如Swire，Jardines，睇返LinkedIn，佢地都主要收名牌大學如OxBridge既海歸。而投資銀行既Front Office，如果你唔係GBUS同QF等神科或海外名牌大學，其實都幾難佢會Shortlist你去Interview。所以讀相關Master會增加被Shortlist既機會。 2：讀Master會令你多一年去準備。以往，最主要都係投資銀行會以Return Offer既形式收Graduates，但係近呢幾年，多左公司（如HSBC，SC，Citi，P&G）派Return Offer，變左比Final Year可以報既MT Headcount就大大減少。如果你係Final Year但冇Return Offer係手，讀Master可以比你多一年時間準備，報Summer Intern攞Return Offer。 3：如果你係係英國讀書，因為UnderGrad學制係三年，會比香港，澳州，加拿大等地少左一年，如果你更加係Target高端既職位，就要讀Master。 4：如果你唔係讀三大或者排名較高既大學，其實報大公司既MT都會有一定困難，如果真係好想入，我地會建議可以讀間名牌大學Master洗一洗低。 我地會建議係Year 2／3決定係咪會讀Master，因為報Master又要考IELTs／GMAT等試，需要時間安排。有啲同學會係Final Year既時候先決定係咪讀Master，同時間又報Grad Job又報Master，呢個做法我地唔建議，因為如果你係讀Master既話，其實係應該報Summer Intern，但大部分公司係唔可以報Summer Intern又報Grad Job。如果一啲報Intern，一啲報Grad Job就仲衰，因為個Workload會好重。 但係如果你只係Target Big4／一般既MT，就唔一定要讀Master。或者係你屋企唔容許讀Master，都可以透過做Placement去建立自己既CV。但係要留意返，做Placement好多係一年，或者六個月由一月去到七八月，係呢啲情況下就未必做到Summer Intern。 希望可以比到帶用既建議比有興趣讀Master既同學。 睇完記住比個LIKE啊！ 我地會係IG Stories做Q&A同分享Interview Tips（唔會係FB分享），記住Follow 我地IG：www.instagram.com/hkcareers ----- 如有興趣Download CV Sample, 可以到： https://docs.google.com/forms/d/e/1FAIpQLScLi5o7zA8fHu0z-vgN0sn-MefcpDxF0TqO4hh6UOXnyJiCeQ/viewform 如有興趣Download Ap Test Sample：可以去：https://docs.google.com/forms/d/e/1FAIpQLScY1UEYaz8eYshQADN5Rh5tonGOnl_sDKuG680_CttIw9mbgg/viewform?c=0&w=1