對地產MT有興趣既同學仔不得不知既內幕 - 內地樓市泡沫

好多同學會以為香港嘅地產發展商主要係發展香港既樓市，其實好多發展商都越來越傾向係內地發展。例如恆隆個MT programme係有placement會返內地做一段時間，而嘉里係內地嘅發展更加係大過係香港好多。所以了解多啲內地property market嘅情況對你嘅interview會有好大既幫助！ 好多地產發展商早係70-80年代已經開始係內地買咗好多土地，因為當年內地俾咗好多政策上嘅優惠啲發展商，令佢地可以用好優惠嘅價去買地。所以唔少地產發展商例如新世界、恆隆、嘉里、 新鴻基等都買咗好多地。甚至新世界有個叫New World China Land的子公司係專做內地嘅地產發展。而恆隆係內地都有好多分公司去develop 唔同地區嘅地產。所以香港發展商係內地其實係投放咗好多資金，而呢個strategy嘅成功亦令呢啲發展商越做越大。 佢地係內地嘅發展有幾大？嘉里有6-7成地產都係喺內地，係上海、深圳、北京都會見到好多‘嘉里城’；另外恆隆唔只淨係內地一線城市，佢係二線城市都會有好多業務；而新世界中國係內地嘅office leasing 同retail leasing 都好強，上海好出名嘅新天地都係佢develop出來。由此可見，香港發展商係內地嘅investment真係好大。 不過呢個strategy 要留意嘅問題係一旦內地經濟轉差，其實都會對香港嘅developer有好大影響。睇返宜家，其實內地個Real Estate Market Bubble 都幾勁。大陸有好多2-3線城市起咗好多樓又賣唔出嘅（稱之為“鬼城”）但樓價又無乜點跌。背後嘅原因係因為地方政府為咗meet到個年嘅GDP target，就去同發展商合作狂起樓 。（讀過econ嘅同學都知道，I同G升，GDP就會上升）所以除咗一線城市，好多係內地二三線城市嘅infrastructure 同real estate其實都會係蝕緊錢。 希望呢篇文能夠幫各位同學由唔同角度睇下香港發展商係property market嘅development，係interview個時有野同啲manager discuss 下!